തിരുവനന്തപുരം: മലയാളത്തിന്റെ മഹാനടന്‍ മധുവിന്റെ നവതി ആഘോഷിച്ച് സിനിമാ പ്രവര്‍ത്തകരും കുടുംബാംങ്ങളും. മകള്‍ ഉമയുടെ കണ്ണമ്മൂലയിലെ വീട്ടില്‍ വച്ചായിരുന്നു മധുവിന്റെ 90-ാം ജന്മദിനാഘോഷം നടന്നത്. വലിയ ആഘോഷങ്ങള്‍ ഒന്നും ഇല്ലായിരുന്നെങ്കിലും പതിവു പോലെ കേക്ക് മുറിക്കലും സദ്യയും ഉണ്ടാക്കി. സാംസ്‌കാരിക രംഗത്തെ പ്രമുഖരും സിനിമാ മേഖലയിലുള്ളവരും മധുവിന്റെ വീട്ടില്‍ എത്തി ജന്മദിനാശംസകള്‍ നേര്‍ന്നു.
നടന്മാരായ മോഹന്‍ലാല്‍, മുകേഷ്, ഇടവേള ബാബു, സുധീര്‍ കരമന, സംവിധായകരായ സത്യന്‍ അന്തിക്കാട്, പ്രിയദര്‍ശന്‍, മന്ത്രി ജി.ആര്‍. അനില്‍ തുടങ്ങിയവര്‍ അദ്ദേഹത്തിന്റെ വീട്ടിലെത്തി ജന്മദിനാശംസകള്‍ നേര്‍ന്നു. മോഹന്‍ലാല്‍ മധുവിനെ പൊന്നാട അണിയിച്ച് ആദരിച്ചു. നവതിയോടനുബന്ധിച്ച് വിവിധ സാമൂഹ്യ, സാംസ്‌കാരിക സംഘടനകള്‍ തലസ്ഥാനത്ത് പരിപാടികള്‍ സംഘടിപ്പിച്ചിരുന്നെങ്കിലും മധു പങ്കെടുത്തില്ല. ഓണ്‍ലൈനായി എല്ലാവര്‍ക്കും അദ്ദേഹം നന്ദി പറഞ്ഞു.
പ്രതികരിക്കാൻ ഇവിടെ എഴുതുക