ടൊറന്റോ: ജി ഉച്ചകോടിയില് പങ്കെടുക്കാനെത്തി വിമാനം തകരാറിലായി പ്രധാനമന്ത്രി ജസ്റ്റിന് ട്രൂഡോയും സംഘവും രണ്ടുദിവസം ഡല്ഹിയില് കുടുങ്ങിയത് കാനഡയിലെ പ്രാദേശിക മാധ്യമങ്ങള് ആഘോമാക്കുന്നു. ഇന്ത്യന് പ്രധാനമന്ത്രി നരേന്ദ്രമോദി ലളിതമായി ‘പണി’ കൊടുത്തതാണെന്ന തരത്തിലാണ് വാര്ത്ത. ട്രൂഡോയുടെ നട്ടും ബോള്ട്ടും മോദി ഉൗരി എന്നാണ് ഒരു പത്രം തലക്കെട്ടായി കൊടുത്തത്.രാജ്യത്തിന് ഏറ്റവും നാണക്കേടുണ്ടാക്കിയ സംഭവമായിട്ടാണ് ഇതിനെ പത്രം വിലയിരുത്തിയത്.
ജി20 വേദിയില് ട്രൂഡോ അപമാനിതായനി എന്നും മറ്റൊരു പത്രം എഴുതി. തീവ്രവാദികളെ കാനഡയിലെത്തി കൊന്നെങ്കില് അത് ഭാരതത്തിന്റെ മിടുക്കാണെന്നും എഴുതി. ബിന് ലാദനെ പാക്കിസ്ഥാനില് ചെന്ന് അമേരിക്ക വധിച്ചപ്പോള് കാനഡ പിന്തുണച്ചതും മാധ്യമങ്ങള് എടുത്തുകാട്ടുന്നു.
പ്രധാനമന്ത്രി ജസ്റ്റിന് ട്രൂഡോയെ പരിഹസിക്കുന്ന കാരിക്കേച്ചറാണ് കനേഡിയന് പത്രമായ ദി ഗ്ലോബ് ആന്ഡ് മെയില് നല്കിയത്..ഭാരതത്തിന്റെ ദേശീയ മൃഗമായ കടുവ ട്രൂഡോയെ ആക്രമിക്കുന്നതാണിത്. അമേരിക്കന് പ്രസിഡന്റ് ജോ ബൈഡന്, ബ്രിട്ടീഷ് പ്രധാനമന്ത്രി ഋഷി സുനാക്, ഓസ്ട്രലിയന് പ്രധാനമന്ത്രി ആന്റണി ആല്ബനീസ് എന്നിവര് ഭാരതത്തിനാപ്പം നിലകൊള്ളുന്നതായും ഇതിലുണ്ട്. നയതന്ത്ര ബന്ധത്തില് കാനഡ പരാജയപ്പെട്ടുവെന്നും ലോകരാഷ്ട്രങ്ങള് അടക്കം ഭാരതത്തിനൊപ്പം തുടരുകയാണെന്നും പറയാതെ പറയുകയാണ് ചിത്രം. കടുവയുടെ ആക്രമണത്തില് ട്രൂഡോയുടെ വസ്ത്രങ്ങള് കീറിപ്പറിഞ്ഞിട്ടുമുണ്ട്.
ജി 20 ഉച്ചകോടിക്കായി ന്യൂദല്ഹിയിലെത്തിയ ട്രൂഡോയ്ക്ക് അദ്ദേഹം ആഗ്രഹിച്ച തരത്തിലുള്ള സ്വീകരണമല്ല ലഭിച്ചത്. ഉഭയകക്ഷി ചര്ച്ചകള് നടന്നില്ലെന്ന് മാത്രമല്ല, കാനഡയില് ഖലിസ്താന്വാദം കൂടിവരുന്ന പശ്ചാത്തലത്തില് രാജ്യത്തെ ഇന്ത്യാവിരുദ്ധ പ്രവര്ത്തനങ്ങളെ നിയന്ത്രിക്കണമെന്ന് നരേന്ദ്രമോദി ആവശ്യപ്പെടുകയും ചെയ്തു. മോദി കടുത്ത അതൃപ്തി അറിയിച്ചതോടെ ജി20 വേദിയില് ട്രൂഡോ അപമാനിതനായെന്ന വികാരമാണ് കാനഡയിലുണ്ടായത്. വിമാനം തകരാറിലായി ട്രൂഡോയും സംഘവും രണ്ടുദിവസം ഡല്ഹിയില് കുടുങ്ങുകയും ചെയ്തതോടെ കാര്യങ്ങള് കുഴഞ്ഞുമറിഞ്ഞു. ഇന്ത്യാ സന്ദര്ശനം പൂര്ത്തിയാക്കി തിരിച്ച് കാനഡയിലെത്തിയ ട്രൂഡോയ്ക്ക് പാര്ലമെന്റിലും മാധ്യമങ്ങളില്നിന്നും രൂക്ഷവിമര്ശനമേല്ക്കേണ്ടിവന്നു.. തുടര്ന്നാണ് ഖലിസ്താന് വിഘടനവാദി നേതാവ് ഹര്ദീപ് സിങ് നിജ്ജറിന്റെ കൊലപാതകത്തിന് പിന്നില് ഭാരത്തിന് പങ്കുണ്ടെന്ന് ആരോപിച്ച് നയതന്ത്ര പ്രതിനിധിയെ പുറത്താക്കിയത്.
ഭാരതത്തിനെതിരെ സ്വന്തം സഖ്യകക്ഷികളായ അമേരിക്കയുടെയും ബ്രിട്ടന്റെയും ആസ്ട്രേലിയയുടെയുമൊക്കെ പിന്തുണ കാനഡ തേടിയെങ്കിലും ഈ രാജ്യങ്ങള് അതിന് വിസമ്മതിച്ചു. ഇത് ട്രൂഡോ പ്രതീക്ഷിച്ചതല്ല. പിന്തുണ ലഭിക്കാതെ വന്നതോടെ ട്രൂഡോ ഒന്നുകൂടി ഒറ്റപ്പെട്ടു. മാറിയ സാഹചര്യത്തില് ഒരു വന്ശക്തിയായാണ് ഭാരതത്തെ അമേരിക്കയുള്പ്പെടെയുള്ള രാജ്യങ്ങള് കാണുന്നത്. ഭാരതവുമായുള്ള നയതന്ത്ര ബന്ധങ്ങളില് വിള്ളല് വീഴ്ത്താന് ഒരു തരത്തിലും ഈ രാജ്യങ്ങള് ആഗ്രഹിക്കുന്നില്ല. ജി20 ഉച്ചകോടിയില് ലോകനേതാക്കള് പ്രധാനമന്ത്രി നരേന്ദ്ര മോദിയോടു കാണിച്ച ആദരവ് ഇതിനു തെളിവാണ്. ഇതൊന്നും ശരിയായി മനസ്സിലാക്കാതെയാണ് തന്റെ രാജ്യവുമായി യാതൊരു താരതമ്യവുമില്ലാത്ത ഭാരതവുമായി ട്രൂഡോ ഏറ്റുമുട്ടാനൊരുങ്ങിയത്. രാജ്യത്തിന് ഏറ്റവും നാണക്കേടുണ്ടാക്കിയ സംഭവമായിട്ടാണ് ഇതിനെ പത്രം വിലയിരുത്തിയത്
