ഇടുക്കി: പതിനേഴുകാരിയെ മാനഭംഗം ചെയ്ത കേസില്‍ രണ്ടാനച്ഛന് 43 വര്‍ഷം തടവും 39,000 രൂപ പിഴയും. വെള്ളിയാമറ്റം കൂവക്കണ്ടം സ്വദേശിയായ 43 കാരനെ ഇടുക്കി അതിവേഗ പ്രത്യേക കോടതി ജഡ്ജി ടി.ജി. വര്‍ഗീസാണ് ശിക്ഷിച്ചത്.
പിഴ ഒടുക്കാത്തപക്ഷം അധിക ശിക്ഷ അനുഭവിക്കണമെന്നും കോടതി വിധിച്ചു. 2018ല്‍ ആണ് കേസിനാസ്പദമായ സംഭവം. മദ്യപിച്ച് വീട്ടിലെത്തിയ പ്രതി തനിച്ചുണ്ടായിരുന്ന പെണ്‍കുട്ടിയെ പീഡിപ്പിക്കാന്‍ ശ്രമിക്കുകയായിരുന്നു. പ്രതിരോധിച്ച കുട്ടിയെ ദേഹോപദ്രവം ഏല്‍പ്പിച്ചു. കാഞ്ഞാര്‍ പോലീസ് രജിസ്റ്റര്‍ ചെയ്ത കേസില്‍ പ്രോസിക്യൂഷന് 14 സാക്ഷികളെയും 15 പ്രമാണങ്ങളും ഹാജരാക്കി. വിവിധ വകുപ്പുകളില്‍ ആകെ ലഭിച്ച ശിക്ഷയില്‍ ഏറ്റവും ഉയര്‍ന്ന ശിക്ഷയായ 10 വര്‍ഷം അനുഭവിച്ചാല്‍ മതി. പ്രോസിക്യൂഷന് വേണ്ടി സ്പെഷ്യല്‍ പബ്ലിക് പ്രോസിക്യൂട്ടര്‍ ഷിജോമോന്‍ ജോസഫ് കോടതിയില്‍ ഹാജരായി.
പ്രതികരിക്കാൻ ഇവിടെ എഴുതുക: