ബിയർ ചോദിച്ചിട്ട് നൽകാത്തതിൽ പ്രകോപിതനായി; അയൽവാസിയെ ഗുരുതരമായി കുത്തി പരിക്കേൽപ്പിച്ച യുവാവ് അറസ്റ്റിൽ

തിരുവനന്തപുരം: കിളിമാനൂരിൽ ബിയർ ചോദിച്ചിട്ട് നൽകാത്തതിനെ തുടർന്ന് അയൽവാസിയെ ആക്രമിച്ച യുവാവ് അറസ്റ്റിൽ. യുവാവിനെ കുത്തി കൊലപ്പെടുത്താൻ ശ്രമിച്ച കേസിലാണ് പ്രതി പിടിയിലായത്. പുളിമാത്ത് പയറ്റിങ്ങാക്കുഴി തെക്കുംകര പുത്തൻവീട്ടിൽ കൊച്ചുമോൻ എന്ന ബിനു രാജാണ് അറസ്റ്റിലായത്.

ഈ കഴിഞ്ഞ ഞായറാഴ്ച വൈക്ടിട്ട് ആറരയോടെയാണ് സംഭവം. പയറ്റിങ്ങാക്കുഴി സ്വദേശി അജയമോന്റ് കൈവശം ഇരുന്ന ബിയർ തനിക്ക് വേണമെന്ന് ബിനുരാജ് ആവശ്യപ്പെട്ടു. എന്നാൽ ഇത് നൽകാത്തതിൽ ബിനുരാജ് പ്രകോപിതനായി. തുടർന്ന് അസഭ്യം വിളിച്ച് കയ്യിൽ കരുതിയിരുന്ന കത്തിയെടുത്ത് തലയിലും കഴുത്തിലും കുത്തുകയായിരുന്നു. ശരീരമാസകലം കുത്തി പരിക്കേൽപ്പിച്ചു. ഗുരുതരമായി പരിക്കേറ്റ അജയമോനെ ഉടൻ തന്നെ ആശുപത്രിയിൽ പ്രവേശിപ്പിച്ചു.