മമ്മൂട്ടിയുടെ പുതിയ കാറിനും നമ്പര്‍ 369 ലേലം പിടിച്ചത് 1.31 ലക്ഷം രൂപയ്‌ക്ക്

കൊച്ചി: പുതിയ കാറിന് തന്റെ ഇഷ്ടനമ്പര്‍ നേടി മമ്മൂട്ടി. പുതിയ ബെന്‍സിന് കെഎല്‍ 07 ഡിസി 369 എന്നാണ് നമ്പരാണ് ലേലത്തിലൂടെ മമ്മൂട്ടി നേടിയത്. തിങ്കളാഴ്ച എറണാകുളം ആര്‍ഡി ഓഫീസില്‍ നടന്ന നമ്പര്‍ ലേലത്തിലൂടെയാണ് പതിവ് നമ്പറായ 369 താരം സ്വന്തമാക്കിയത്. കഴിഞ്ഞ ദിവസം ഫാന്‍സി നമ്പറായ കെഎല്‍ 07 ഡിസി 369 നമ്പര്‍ മമ്മൂട്ടി ബുക്ക് ചെയ്തിരുന്നു. ഈ നമ്പറിനായി മറ്റു രണ്ടുപേര്‍ കൂടി രംഗത്തെത്തിയതോടെ ലേലത്തില്‍ വച്ചു. ഒടുവില്‍ ഓണ്‍ലൈനായി നടന്ന ലേലത്തിലൂടെ 1.31 ലക്ഷം രൂപയ്‌ക്ക് താരം നമ്പര്‍ സ്വന്തമാക്കുകയായിരുന്നു.
5000 രൂപ മാത്രം അടിസ്ഥാന വിലയിട്ടിരുന്ന 369 എന്ന നമ്പര്‍ മമ്മൂട്ടി ആവശ്യപ്പെട്ടതോടെയാണ് താരമൂല്യമുയര്‍ന്ന് ബ്രാന്‍ഡ് നമ്പറായി മാറിയത്. മറ്റൊരു നമ്പറായ കെഎല്‍07 ഡിസി 500 വാശിയേറിയ മത്സരത്തിലൂടെ കൊച്ചി സ്വദേശി 2.45 ലക്ഷം രൂപയ്‌ക്ക് സ്വന്തമാക്കി. ഈ നമ്പറിനായി അഞ്ചു പേരാണ് മത്സര രംഗത്തുണ്ടായിരുന്നത്.