ന്യൂഡല്‍ഹി: കര്‍ണാടകയിലെ ഹൊയ്‌സാല ക്ഷേത്രങ്ങള്‍ യുനെസ്‌കോയുടെ ലോക പൈതൃക പട്ടികയില്‍ ഇടംനേടിയതിന് പിന്നാലെ സന്തോഷം പങ്കുവെച്ച് പ്രധാനമന്ത്രി നരേന്ദ്രമോദി. ഇന്ത്യയുടെ അഭിമാനനേട്ടമാണിതെന്ന് പ്രധാനമന്ത്രി പറഞ്ഞു.
ഹൊയ്‌സാല ക്ഷേത്രങ്ങളുടെ കാലാതീതമായ സൗന്ദര്യവും സങ്കീര്‍ണ്ണമായ വിശദാംശങ്ങളും ഇന്ത്യയുടെ സമ്പന്നമായ സാംസ്‌കാരിക പൈതൃകത്തിന്റെയും നമ്മുടെ പൂര്‍വ്വികരുടെ അത്ഭുതകരമായ കരകൗശലത്തിന്റെയും തെളിവാണ്-പ്രധാനമന്ത്രി എക്‌സില്‍ കുറിച്ചു.
ലോക പൈതൃക പട്ടികയില്‍ അംഗീകാരം ലഭിക്കുന്ന ഇന്ത്യയിലെ 42-ാമത്തെ ഇടമാണ് ഹൊയ്‌സാല ക്ഷേത്രങ്ങള്‍. ബേലൂര്‍, ഹലേബിഡ്, സോമനന്തപുര മേഖലകളിലാണ് ഹോയ്‌സാല ക്ഷേത്രങ്ങള്‍ സ്ഥിതിചെയ്യുന്നത്.
പ്രതികരിക്കാൻ ഇവിടെ എഴുതുക: