ഇസ്ലാമബാദ്: ഫേസ്ബുക്ക് പ്രണയത്തിലൂടെ പാകിസ്ഥാനിലെ യുവാവിനെ തേടി പോയ രാജസ്ഥാനിലെ അല്‍വാര്‍ ജില്ലയിലെ ഭീവണ്ടി സ്വദേശി അഞ്ജു (34) തിരിച്ചുവരവിനൊരുങ്ങുന്നു. അടുത്തമാസം ഇന്ത്യയില്‍ തിരിച്ചെത്തുമെന്നാണ് പറയുന്നത്.
നേരത്തെ വിവാഹിതയും രണ്ട് കുട്ടികളുടെ അമ്മയുമായ ഇവര്‍ വീട്ടുകാരറിയാതെ പാസ്‌പോര്‍ട്ടും വിസയുമെടുത്ത് നിയമാനുസൃതമായാണ് പാകിസ്ഥാനിലെത്തിയത്. 2019 മുതല്‍ ഫേസ്ബുക്ക് സുഹൃത്തായ പാകിസ്ഥാന്‍ പഖ്തൂണ്‍ഖ്വാ സ്വദേശി നസറുല്ലയുമായി പരിചയത്തിലായിരുന്നു. അഞ്ജു പാകിസ്ഥാനില്‍ എത്തിയശേഷം നസറുല്ലയെ വിവാഹം കഴിക്കുകയും മതംമാറി ഫാത്തിമ എന്ന പേര് സ്വീകരിക്കുകയും ചെയ്തിരുന്നു.
2007ല്‍ രാജസ്ഥാന്‍ സ്വദേശിയായ അരവിന്ദനെ അഞ്ജു വിവാഹം കഴിച്ചിരുന്നു. ഇതില്‍ ഇവര്‍ക്ക് 15 വയസ്സുള്ള മകളും ആറ് സയസ്സുള്ള മകനുമുണ്ട്. സുഹൃത്തിനെ കാണാന്‍ എന്ന് പറഞ്ഞ് വീട്ട് വിട്ടിറങ്ങിയ അഞ്ജു പാകിസ്ഥാനിലെത്തിയത് ഭര്‍ത്താവായ അരവിന്ദ് അറിയുന്നത് മാധ്യമങ്ങളിലൂടെയായിരുന്നെന്ന് അദ്ദേഹം മുന്‍പ് പ്രതികരിച്ചിരുന്നു.
ഇപ്പോള്‍ മക്കളെ കാണാനാതെ അവര്‍ മാനസിക പ്രയാസം അനുഭവിക്കുന്നുണ്ടെന്ന് നസറുല്ല പറയുന്നു. അവരെ വിഷമത്തിലാക്കാന്‍ തനിക്ക് ആഗ്രഹമില്ലെന്നും വിസ ലഭിച്ചാല്‍ അവരോടൊപ്പം താനും ഇന്ത്യയിലെത്തുമെന്ന് നസറുല്ല വ്യക്തമാക്കുന്നു.
പ്രതികരിക്കാൻ ഇവിടെ എഴുതുക: