തിരുവനന്തപുരം: ആധാറിലെ പേര് വിവരങ്ങള് പുതുക്കുന്നതിനുള്ള സമയപരിധി മൂന്ന് മാസം കൂടി നീട്ടി സര്ക്കാര് ഉത്തരവായി. യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (UIDAI) ആണ് സമയപരിധി മൂന്ന് മാസത്തേക്ക് കൂടി നിട്ടിയതായി അറിയിച്ചത്.
നേരത്തെ ആധാര് പുതുക്കുന്നതിനുള്ള അവസാന തീയതി സെപ്റ്റംബർ 14 ആയിരുന്നു. പുതിയ തീരുമാനമനുസരിച്ച് ഡിസംബർ 14 വരെ ഉപഭോക്താക്കൾക്ക് ആധാർ പുതുക്കാൻ സമയം ലഭിക്കും.
ഓൺലൈനായി പുതുക്കുന്നവർക്കാണ് സേവനം സൗജന്യമായി ലഭിക്കുന്നത്. ഓഫ്ലൈൻ കേന്ദ്രങ്ങളിൽ ഉപഭോക്താക്കൾ ഫീസ് അടയ്ക്കണം. പേര്, മേല് വിലാസം തുടങ്ങിയവയിൽ മാറ്റമുണ്ടെങ്കിൽ ഉപയോക്താക്കൾ തീർച്ചയായും മാറ്റങ്ങള് വരുത്തണം. 10 വർഷം മുൻപ് എടുത്ത എല്ലാ ആധാർ കാർഡുകളും നിർബന്ധമായും പുതുക്കിയിരിക്കണം.
