തിരുവനന്തപുരം: മകന്‍ വാഹനാപകടത്തില്‍ മരിച്ചതറിഞ്ഞ് മാതാവ് കിണറ്റില്‍ ചാടി മരിച്ചു. തിരുവനന്തപുരം നെടുമങ്ങാട് വെള്ളൂര്‍ക്കോണം സ്വദേശി സജിന്‍ മുഹമ്മദിന്റെ (28) മാതാവ് ഷീജ ബീഗമാണ് ജീവനൊടുക്കിയത്.
കഴിഞ്ഞ ദിവസം വയനാട്ടിലുണ്ടായ അപകടത്തില്‍ സജിന്‍ മരിച്ചിരുന്നു.പൂക്കോട് വെറ്ററിനറി സര്‍വകലാശാല ക്യാമ്പസില്‍ വാനും സ്‌കൂട്ടറും കൂട്ടിമുട്ടിയാണ് പിജി വിദ്യാര്‍ത്ഥിയായ സജിന്‍ മരിച്ചത്. മകന്‍ മരിച്ച വിവരം ഷീജയെ അറിയിച്ചിരുന്നില്ല. ഷീജയെ കഴക്കൂട്ടത്തെ ബന്ധുവീട്ടിലാക്കിയ ശേഷം വയനാട്ടില്‍ നിന്ന് മൃതദേഹം കൊണ്ടുവരാന്‍ കുടുംബാംഗങ്ങള്‍ പോയിരുന്നു.
രാത്രി സാമൂഹ്യമാധ്യമത്തിലൂടെയാണ് മകന്‍ മരിച്ച വിവരം ഷീജ അറിഞ്ഞത്. പിന്നാലെ ബന്ധുവീട്ടിലെ കിണറ്റില്‍ ചാടി മൃതദേഹം മെഡിക്കല്‍ കോളേജ് മോര്ച്ചറിയില്‍ . ഭര്‍ത്താവ് സുലൈമാന്‍ (റിട്ട. വനംവകുപ്പ് ഉദ്യോഗസ്ഥന്‍), ദമ്പതികള്‍ക്ക് ഒരു മകള്‍ കൂടിയുണ്ട്. അദ്ധ്യാപികയാണ് ഷീജ.
പ്രതികരിക്കാൻ ഇവിടെ എഴുതുക: