ലണ്ടന്‍: വിവാഹ ചടങ്ങില്‍ വധൂവരന്മാരുടെ ബന്ധുക്കള്‍ തമ്മില്‍ അടിപിടിയുണ്ടാകുന്ന വാര്‍ത്തകള്‍ നമ്മുടെ നാട്ടില്‍ അപൂര്‍വമായെങ്കിലും ഉണ്ടാകുന്നുണ്ട്. ബ്രിട്ടനില്‍ നടന്ന വിവാഹ വിരുന്നില്‍ പങ്കെടുക്കാനെത്തിയവര്‍ തമ്മിലുളള അടിപിടിയുടെ വീഡിയോയാണ് ഇപ്പോള്‍ വൈറലായിരിക്കുന്നത്.
വീഡിയോ പ്രചരിച്ചത് എക്‌സിലാണ് . ഇംഗ്ലണ്ടിലെ ഗ്രേറ്റര്‍ മാഞ്ചസ്റ്ററിലെ ബോള്‍ട്ടണില്‍ പാകിസ്ഥാനികളുടെ വിവാഹ ചടങ്ങിലാണ് അടിപിടി ഉണ്ടായത്. ഓഗസ്റ്റ് 24ന് റീജന്റ് ഹാളില്‍ നടന്ന വിവാഹ ചടങ്ങില്‍ അതിഥികള്‍ ഭക്ഷണം കഴിക്കവെയാണ് കൂട്ടയടി നടന്നത്. അതിഥികള്‍ ഭക്ഷണം കഴിക്കവെ ഒരാള്‍ അവിടെ വന്ന് അതിഥികളിലൊരാളുടെ തൊപ്പി മാറ്റുന്നതോടെയാണ് അടി തുടങ്ങിയത്.
ഉടന്‍ സ്ഥലത്തെത്തിയ പൊലീസ് സ്ഥിതിഗതികള്‍ നിയന്ത്രണവിധേയമാക്കി. പൊലീസുകാരനെ മര്‍ദ്ദിച്ച ഒരാളെ അറസ്റ്റ് ചെയ്തിട്ടുണ്ട്.
പ്രതികരിക്കാൻ ഇവിടെ എഴുതുക: