കൊച്ചി : യുവ വനിതാ ഡോക്ടറെ ലൈംഗികമായി അതിക്രമിച്ച കേസില്‍ എറണാകുളം ജനറല്‍ ആശുപത്രിയിലെ ജനറല്‍ മെഡിസിന്‍ മേധാവിയായിരുന്ന ഡോക്ടര്‍ മനോജിനെതിരെ പൊലീസ് കേസെടുത്തു. ജാമ്യമില്ല വകുപ്പ് പ്രകാരമാണ് കേസ്.
സ്ത്രീകളോടുള്ള ലൈംഗിക അതിക്രമ കുറ്റമാണ് ചുമത്തിയിരിക്കുന്നത്. 2019 എറണാകുളം ജനറല്‍ ആശുപത്രിയിലായിരുന്നു കേസിനാസ്പദമായ സംഭവം നടന്നത്.
2019ല്‍ ഹൗസ് സര്‍ജന്‍സി ചെയ്യവെ സീനിയര്‍ ഡോക്ടര്‍ തന്നെ കടന്നുപിടിക്കുകയും ബലമായി മുഖത്ത് ചുംബിക്കുകയും ചെയ്തതായി വനിതാ ഡോക്ടര്‍ സമൂഹ മാധ്യമത്തിലൂടെയാണ് ആരോപണം ഉന്നയിച്ചത്. പിന്നാലെ വിദേശത്ത് ജോലി ചെയ്യുന്ന വനിതാ ഡോക്ടറില്‍നിന്ന് ഇ മെയില്‍ വഴി വിവരങ്ങള്‍ ശേഖരിച്ച ശേഷമാണ് പൊലീസ് കേസെടുത്തത്.
സംഭവമുണ്ടായപ്പോള്‍ തന്നെ ഫോണിലൂടെ മേധാവിയോട് പരാതിപ്പെട്ടെങ്കിലും പക്ഷേ അതില്‍ നടപടികളൊന്നും ഉണ്ടായില്ലെന്നായിരുന്നു പോസ്റ്റിന്റെ ഉള്ളടക്കം.
തുടര്‍ന്ന് ആരോഗ്യവകുപ്പ് സംഭവത്തില്‍ അന്വേഷണം പ്രഖ്യാപിച്ചു. ഡയറക്ടറോട് റിപ്പോര്‍ട്ട് സമര്‍പ്പിക്കാന്‍ ആരോഗ്യമന്ത്രി ആവശ്യപ്പെട്ടത് പ്രകാരമാണ് സംഭവം പൊലീസില്‍ അറിയിച്ചത്.
പ്രതികരിക്കാൻ ഇവിടെ എഴുതുക: