ചിറയിന്‍കീഴ്: ഓണത്തിന് നിര്‍ദ്ധനര്‍ക്ക് താങ്ങായി ന്യൂ രാജസ്ഥാന്‍ മാര്‍ബിള്‍സ്. കഴിഞ്ഞ 32 വര്‍ഷമായി ഓണനാളില്‍ നടത്തിവരുന്ന സാമ്പത്തിക സഹായം ഇക്കുറിയും പതിവ് തെറ്റിക്കാതെ വിതരണം ചെയ്തു. ന്യൂ രാജസ്ഥാന്‍ മാര്‍ബിള്‍സിന്റെ ചിറയിന്‍കീഴ് ഷോറൂമില്‍ ആയിരത്തോളം കുടുംബാംഗങ്ങള്‍ക്കാണ് സാമ്പത്തിക സഹായം നല്‍കിയത്.
ഇതിന്റെ വിതരണോദ്ഘാടനം ന്യൂ രാജസ്ഥാന്‍ മാര്‍ബിള്‍സ് എം.ഡി സി.വിഷ്ണുഭക്തന്‍ നിര്‍വഹിച്ചു. ഓണനാളില്‍ ഒരു കുടുംബവും പട്ടിണിയാകരുതെന്ന ലക്ഷ്യത്തോടെയാണ് സ്ഥാപനം തുടങ്ങിയ നാള്‍ മുതല്‍ ഈ സാമ്പത്തിക സഹായം ഏര്‍പ്പെടുത്തിയതെന്ന് വിഷ്ണുഭക്തന്‍ പറയുന്നു.
ഇതിനുപുറമെ ന്യൂരാജസ്ഥാന്‍ മാര്‍ബിള്‍സിന്റെ കേരളത്തിലെ എല്ലാ ഷോറൂമുകളിലും ഓണാഘോഷപരിപാടികളും ഓണസദ്യയും സംഘടിപ്പിച്ചു. മുഴുവന്‍ തൊഴിലാളികള്‍ക്കും ബോണസും അടുത്തമാസത്തെ ശമ്പളവും അഡ്വാന്‍സായി വിതരണം ചെയ്തു.
പ്രതികരിക്കാൻ ഇവിടെ എഴുതുക: