ബെംഗളൂരു: ഊര്ജ്ജ ദാതാവായ സൂര്യന്റെ രഹസ്യം തേടിയുള്ള ഇന്ത്യയുടെ പ്രഥമ ദൗത്യം ആദിത്യ ഇന്ന് യാത്ര തിരിക്കും. ആദിത്യ എല് 1 എന്ന പേടകം ഇന്ന് ഉച്ചയ്ക്ക് 11.50ന് പിഎസ്എല്വി സി 57 റോക്കറ്റില്, ശ്രീഹരിക്കോട്ടയിലെ ലോഞ്ച്പാഡില് നിന്ന് വിക്ഷേപി
ക്കും. വിക്ഷേപണത്തിനുള്ള കൗണ്ട്ഡൗണ് ഇന്നലെ ആരംഭിച്ചു.
ലോഞ്ച് റിഹേഴ്സല് ബുധനാഴ്ച തന്നെ പൂര്ത്തിയാക്കിയതായി ഐഎസ്ആര്ഒ അറിയിച്ചു. സൂര്യനും ചന്ദ്രനും തുല്യ ഗുരുത്വാകര്ഷണമുള്ള ലാഗ്റേഞ്ചിലെ ഭ്രമണപഥത്തിലേക്കാണ് ആദിത്യയെ എത്തിക്കുക. ഈ ഭ്രമണപഥത്തില് വലംവയ്ക്കുന്ന പേടകം സൂര്യനെപ്പറ്റിയുള്ള വിലപ്പെട്ട വിവരങ്ങള് ലഭ്യമാക്കുമെന്നാണ് പ്രതീക്ഷ. സൂര്യന്റെ ഫോട്ടോസ്ഫിയര്, ക്രോമോസ്ഫിയര്, സൂര്യാന്തരീക്ഷത്തിലെ ഏറ്റവും പുറത്തുള്ള പാളി (കൊറോണ) എന്നിവയെപ്പറ്റി പഠിക്കാന് 7 ഗവേഷണ ഉപകരണങ്ങളാണ്, ആദിത്യയിലുള്ളത്. 15 ലക്ഷം കി.മീ. അകലെയാണ് നിര്ദിഷ്ട ഭ്രമണപഥം. 5.2 വര്ഷമാണ് ദൗത്യത്തിന്റെ കാലാവധി. മൊത്തം 1475 കിലോ. പേലോഡുകള് 244 കിലോ. 177.86 ദിവസമാണ് പേടകത്തിന് ഒരു തവണ സൂര്യനെ ചുറ്റാന് വേണ്ടത്.
വിക്ഷേപണ ശേഷം 109 ദിവസം എടുത്താണ്, ആദിത്യ എല് വണ് 15 ലക്ഷം കിലോമീറ്റര് അകലെയുള്ള ലാഗ്റേഞ്ചിലെ ഹേലോ ഭ്രമണപഥത്തില് എത്തുക. വിക്ഷേപണം അടക്കം മൊത്തം 378.53 കോടിയാണ് പ്രതീക്ഷിക്കുന്ന ചെലവ്. സൂര്യന്റെ കൊറോണയുടെ ചൂടാകല്, സൗരക്കാറ്റ്, അള്ട്രാവയലറ്റ് സോളാര് വികിരണം, ഫോട്ടോസ്ഫിയര്, ക്രോമോസ്ഫിയര്, സൂര്യന്റെ അന്തരീക്ഷത്തിലെ ഏറ്റവും പുറത്തുള്ള പാളി, കൊറോണ എന്നിവയെപ്പറ്റി പഠിക്കും. സൂര്യന്റെ കാന്തിക മേഖലയുടെ ശക്തിയും അളക്കും.
വിസിബിള്എമിഷന് ലൈ ന് കൊറോണ ഗ്രാഫ്, സോളാര് അള്ട്രാവയലറ്റ് ഇമേജിങ് ടെലസ്കോപ്പ്,സോളാര് ലോ എനര്ജി എക്സ്റേ സ്പെക്ട്രോമീറ്റര്, ഹൈ എനര്ജി ഓര്ബിറ്റിങ്ങ് എക്സ്റേ സ്പെക്ട്രോമീറ്റര്, ആദിത്യ സോളാര് വിന്ഡ് പാര്ട്ടിക്കിള് എക്സ്പെരിമെന്റ്, പ്ലാസ്മ അനലൈസര്, ഹൈ റസല്യൂഷന് ഡിജിറ്റല് മാഗ്നെറ്റോ മീറ്റര് എന്നിവയാണ് പേ ലോഡുകള്. സൂര്യന്റെ സ്വഭാവം, ഭൂമിയടക്കമുള്ള ഗ്രഹങ്ങളോടും മറ്റുമുള്ള പെരുമാറ്റം തുടങ്ങിയവയും പേ ലോഡുകള് കണ്ടെത്തും.
7 പേ ലോഡുകളില് നാലെണ്ണവും സൂര്യപ്രകാശവും പഠിക്കും. എമിഷന് ലൈന് കൊറോണ ഗ്രാഫ് ആണ് പേലോഡുകളില് ഏറ്റവും പ്രധാനപ്പെട്ട ഒന്ന്. ഇന്ത്യന് ഇന്സ്റ്റിറ്റിയൂട്ട് ഓഫ് ആസ്ട്രോ ഫിസിക്സിലെ ക്രസ്റ്റ്(സെന്റര് ഫോര് റിസര്ച്ച് ആന്ഡ് എജ്യൂക്കേഷന് ഇന് സയന്സ് ടെക്നോളജിയാണ് ഈ ഉപകരണം സംയോജിപ്പിച്ച് പരിശോധിച്ച് പ്രവര്ത്തന ക്ഷമമാക്കിയത്. ലാഗ് റേഞ്ച് ഭ്രമണപഥ പ്രവര്ത്തനങ്ങള്ക്കും പഠനങ്ങള്ക്കും നിരീക്ഷണങ്ങള്ക്കും ഗ്രഹണങ്ങള് മൂലമുള്ള തടസം പോലും ഉണ്ടാവില്ല.
ഭൂമിയോട് ഏറ്റവും അടുത്തുള്ള നക്ഷത്രമാണ് സൂര്യന്. അതിനാല് ആദിത്യനെപ്പറ്റി പഠിക്കുക അത്ര സങ്കീര്ണമായ കാര്യമല്ല. സൂര്യനെപ്പറ്റി പഠിച്ചാല് മറ്റു നക്ഷത്രങ്ങളെപ്പറ്റിയും ക്ഷീര പഥത്തെപ്പറ്റിയും നമുക്ക ്കൂടുതല് വിവരങ്ങള് ലഭിക്കും. ഇതര നക്ഷത്ര സമൂഹങ്ങളെപ്പറ്റിയും കൂടുതല് അറിവ് ലഭിക്കും. സൂര്യന് താപ, കാന്തിക സ്വഭാവങ്ങളുണ്ട്. ലാഗ് റേഞ്ചിലെ ഭ്രമണപഥത്തില് എത്തുന്ന വസ്തുക്കള് ഒരു സഹായവും ഇല്ലാതെ, (ഉപഗ്രഹമെങ്കില് പ്രൊപ്പല്ഷന് ഇല്ലാതെ) ഭ്രമണം ചെയ്തു കൊണ്ടിരിക്കും. അതായത് ആദിത്യ പഥത്തില് എത്തിയാന് പിന്നെ സ്വയം കറങ്ങിക്കൊണ്ടിരിക്കും. ലാഗ് റേഞ്ചില് അഞ്ചു പോയന്ററുകളാണ് ഉള്ളത്. എല് വണ് മുതല് എല് ഫൈവ് വരെ.
ഇന്ത്യയുടെ പ്രഥമ സൗരദൗത്യവുമായി ബന്ധപ്പെട്ട ശാസ്ത്രജ്ഞര് ഇന്നലെ തിരുമല തിരുപ്പതി വെങ്കിടാചലപതി ക്ഷേത്രത്തില് ദര്ശനം നടത്തി. ആദിത്യ എല് വണ്ണിന്റെ ചെറു രൂപവുമായി ക്ഷേത്രത്തില് എത്തിയ ശാസ്ത്രജ്ഞര്,ഭഗവാന്റെ അനുഗ്രഹം തേടി.
