കൊച്ചി: കരുവന്നൂര്‍ ബാങ്ക് തട്ടിപ്പ് കേസില്‍ എ.സി. മൊയ്തീന് വീണ്ടും ഹാജരാകണമെന്ന് ഇഡി. വരുന്ന തിങ്കളാഴ്ച ഓഫീസില്‍ എത്തണമെന്നാണ് നോട്ടീസ് വ്യക്തമാക്കുന്നത്. എത്തുമ്പോള്‍ 10 വര്‍ഷത്തെ നികുതി രേഖകള്‍ കൂടി ഹാജരാക്കണമെന്നും നിര്‍ദ്ദേശമുണ്ട്.
ഇന്ന് ഹാജരാകാനായിരുന്നു മൊയ്തീന് ഇഡി നിര്‍ദ്ദേശം നല്‍കിയിരുന്നത്. എന്നാല്‍ ഇന്ന് എത്താന്‍ സാധിക്കില്ലെന്ന് കാണിച്ച് മൊയ്തീന് മറുപടി നല്‍കിയിരുന്നു. അതേസമയം തട്ടിപ്പ് കേസില്‍ ബെനാമി ഇടപാടുകാരെ ഇന്ന് വീണ്ടും ചോദ്യം ചെയ്യും.
മുന്‍ മാനേജര്‍ ബിജു കരീം, പി.പി.കിരണ്‍, അനില്‍ സേട്ട് എന്നിവരെയാണ് വീണ്ടും വിളിപ്പിച്ചിരിക്കുന്നത്. കേസില്‍ സംശയത്തിന്റെ നിഴലിലുള്ള സിഎം റഹീമും ഇന്ന് ചോദ്യം ചെയ്യലിന് ഹാജരാവും. മുന്‍ മാനേജര്‍ ബിജു കരീം, പി പി കിരണ്‍, അനില്‍ സേട്ട് എന്നിവര്‍ ഇന്നലെ ചോദ്യം ചെയ്യലിന് ഹാജരായിരുന്നു.
പ്രതികരിക്കാൻ ഇവിടെ എഴുതുക: