കോട്ടയത്ത് മദ്യപാനത്തിനിടെ യുവാവ് കുത്തേറ്റു മരിച്ചു

കോട്ടയം: തിരുവോണ രാത്രിയില്‍ യുവാവ് കുത്തേറ്റ് മരിച്ചു. നീണ്ടൂരിലാണ് സംഭവം.

ചൊവ്വാഴ്ച രാത്രി പത്തുമണിയോടെ നീണ്ടൂര്‍ ഓണാംതുരത്തിലായിരുന്നു സംഭവമുണ്ടായത്.നീണ്ടൂര്‍ സ്വദേശി അശ്വിന്‍ നാരായണന്‍(23) ആണ് മരിച്ചത്.

തിരുവോണ നാളില്‍ രാത്രി മദ്യപാനത്തെ തുടര്‍ന്ന് യുവാക്കള്‍ തമ്മിലുണ്ടായ തര്‍ക്കമാണ് സംഘര്‍ഷത്തിലും കൊലപാതകത്തിലും കലാശിച്ചത്.സംഭവത്തില്‍ അനന്ദു എന്നയാള്‍ക്ക് കുത്തേറ്റു. പരിക്കേറ്റ ഇയാളെ കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.