തിരുവനന്തപുരം: ലോകമെമ്പാടുമുള്ള കേരളീയര്ക്ക് കേരള ഗവര്ണര് ആരിഫ് മുഹമ്മദ് ഖാന് ഓണാശംസകള് നേര്ന്നു. മാനുഷര് എല്ലാരും ആമോദത്തോടെ വസിച്ച ഒരു സുന്ദരകാലത്തിന്റെ ഓര്മ്മ പുതുക്കുന്ന ഓണം ക്ഷേമവും ഐശ്വര്യവും കൂടുതല് അന്തസ്സുമാര്ന്ന ഭാവിയെക്കുറിച്ചുള്ള പ്രതീക്ഷയും ഉണര്ത്തുന്നു. സമൃദ്ധിയുടെ ഈ മഹോത്സവത്തിലൂടെ കേരളം നല്കുന്ന ഒരുമയുടെയും സമത്വത്തിന്റെയും സ്നേഹസന്ദേശത്തെ ലോകമെങ്ങും എത്തിക്കാന് നമുക്ക് കൈകോര്ക്കാമെന്നും ഗവര്ണര് ആശംസിച്ചു.
മാനുഷികമായ മൂല്യങ്ങള്എല്ലാം മനസ്സില് ആവര്ത്തിച്ച് ഉറപ്പിക്കുന്ന ശാന്തിയുടെ, സമൃദ്ധിയുടെ, ഐശ്വര്യത്തിന്റെ, വികസനത്തിന്റെ, ആഘോഷമാവട്ടെ ഓണമെന്ന് മുഖ്യമന്ത്രി പിണറായി വിജയന് ആശംസിച്ചു. കേരളത്തിന്റെ ഈ ദേശീയോത്സവം ജാതിമത വേര്തിരിവുകള്ക്കൊക്കെ അതീതമായ മാനവിക ഐക്യം ഊട്ടിയുറപ്പിച്ചുകൊണ്ട് നമുക്ക് ആഘോഷിക്കാം. വേര്തിരിവുകൊണ്ടും ഭേദചിന്തകള്കൊണ്ടും കലുഷമാകാത്ത മനസ്സുകളുടെ ഒരുമ, അതാവട്ടെ നമുക്ക് ഇക്കൊല്ലത്തെ ഓണമെന്നും മുഖ്യമന്ത്രി ആശംസിച്ചു.
