കോട്ടയം: പെരുമാറ്റച്ചട്ടം നിലവിലുണ്ടെങ്കിലും പുതുപ്പളളിയില് സൗജന്യ ഓണ കിറ്റ് വിതരണം നടത്താമെന്ന് തെരഞ്ഞെടുപ്പ് കമ്മീഷന്. എന്നാല് ഇത് രാഷ്ട്രീയ മുതലെടുപ്പിന് അവസരമാക്കരുത്.
കിറ്റ് വിതരണത്തിലോ അനുബന്ധ പ്രവര്ത്തനത്തിലോ ജനപ്രതിനിധികളെ പങ്കെടുപ്പിക്കരുത്. വിതരണം ചെയ്യുന്ന കിറ്റിലോ സാധന സാമഗ്രികളിലോ രാഷ്ട്രീയ പാര്ട്ടികളുടെ ചിഹ്നമോ പേരോ മറ്റ് സൂചനകളോ ഉണ്ടാവാനും പാടില്ല.
കോട്ടയം ജില്ലയില് ഓണക്കിറ്റ് വിതരണം നിര്ത്തിവയ്ക്കാന് തെരഞ്ഞെടുപ്പ് കമ്മീഷന് നിര്ദ്ദേശം നല്കിയിരുന്നു. ഉപതെരഞ്ഞെടുപ്പിന്റെ പശ്ചാത്തലത്തിലാണ് ജില്ലാ സപ്ലൈ ഓഫീസര്ക്ക് നിര്ദ്ദേശം നല്കിയത്. വിതരണത്തിന് അനുമതി ആവശ്യപ്പെട്ട് സിവില് സപ്ലൈസ് വകുപ്പ് തെരഞ്ഞെടുപ്പ് കമ്മീഷന് കത്ത് നല്കിയിരുന്നു.
