തിരുവനന്തപുരം: സംസ്ഥാനത്ത് പകല്‍താപനില വര്‍ദ്ധിച്ചു. ഇക്കഴിഞ്ഞ ദിവസങ്ങളില്‍ സംസ്ഥാനത്ത് അനുഭവപ്പെട്ടത് കടുത്ത ചൂടാണ്. വരും ദിവസങ്ങളിലും സംസ്ഥാനത്ത് പകല്‍ച്ചൂട് ഉയര്‍ന്നു നില്‍ക്കുമെന്നാണ് കാലാവസ്ഥാ പ്രവചനം.
രാവിലെ 11 മുതല്‍ ഉച്ചയ്‌ക്ക് ശേഷം മൂന്ന് വരെയുള്ള സമയത്താണ് ഏറ്റവും കൂടുതല്‍ ചൂട് അനുഭവപ്പെടുന്നത്. രാത്രിയിലും സാധാരണയിലുമധികം ചൂടാണ്.
ഇക്കഴിഞ്ഞ ദിവസങ്ങളില്‍ പകല്‍ താപനിലയില്‍ രണ്ടു മുതല്‍ അഞ്ച് ഡിഗ്രി സെല്‍ഷ്യസ് വരെയുള്ള വര്‍ധനവാണ് സംസ്ഥാനത്ത് ഉണ്ടായത്.
പുനലൂരിലാണ് ഏറ്റവും കൂടുതല്‍ ചൂട് ഇന്ന് അനുഭവപ്പെട്ടത്, 36.5 ഡിഗ്രി സെല്‍ഷ്യസ്. കോട്ടയത്ത് 35.7 ഡിഗ്രിയും തിരുവനന്തപുരത്ത് 33.9 ഡിഗ്രിയുമാണ് ഇന്നത്തെ ഏറ്റവും കൂടിയ താപനില. ആലപ്പുഴയില്‍ 33.8 ഡിഗ്രി സെല്‍ഷ്യസ്, കൊച്ചിയില്‍ 33.4 ഡിഗ്രി,പാലക്കാട് 33.6 ഡിഗ്രി, കോഴിക്കോട് 32.8 ഡിഗ്രി, കണ്ണൂരില്‍ 33.4 ഡിഗ്രി എന്നിങ്ങനെയാണ് ഇന്നത്തെ കൂടിയ പകല്‍ താപനില.
പ്രതികരിക്കാൻ ഇവിടെ എഴുതുക: