തിരുവനന്തപുരം: യുവതി വീടിനുള്ളില്‍ തൂങ്ങിമരിച്ച നിലയില്‍ . ആര്യനാട് പുതുക്കുളങ്ങരയിലാണ് സംഭവം.വിതുര മരുതാമല സ്വദേശിനി ബെന്‍സി ഷാജിയാണ് (26) മരിച്ചത്.
ഞായറാഴ്ച രാവിലെ 11മണിയോടെയാണ് ബെന്‍സി ഷാജിയെ തൂങ്ങിയ നിലയില്‍ കണ്ടെത്തിയത്. ആര്യനാട് പൊലീസ് സ്ഥലത്തെത്തി പരിശോധന നടത്തി. ബെന്‍സിയും ഭര്‍ത്താവ് ജോബിയും നാല് മാസം മുമ്പാണ് ഇവിടെ വാടക വീട്ടില്‍ താമസം തുടങ്ങിയത്.
വീട്ടില്‍ ഇവര്‍ മാത്രമായിരുന്നു താമസം. ബെന്‍സി ഫിസിയോ തെറാപ്പിസ്റ്റാണ്. ജോബിന്‍ കൊറിയര്‍ സര്‍വീസ് ജീവനക്കാരനാണ്. ജോബിന്‍ 11മണിയ്‌ക്ക് വീട്ടിലെത്തി ഏറെ നേരം വിളിച്ചിട്ടും ബെന്‍സി വാതില്‍ തുറന്നില്ല. തുടര്‍ന്ന് അയല്‍വാസികളെ കൂട്ടി ജോബിന്‍ വാതില്‍ ചവിട്ടിത്തുറന്നപ്പോള്‍ ബെന്‍സി തൂങ്ങിയ നിലയിലായിരുന്നു.
പ്രതികരിക്കാൻ ഇവിടെ എഴുതുക: