ലണ്ടന്: ശനിയാഴ്ച ബര്മിംഗ്ഹാമില് നടന്ന ഇന്റര്നാഷണല് ബ്ലൈന്ഡ് സ്പോര്ട്സ് ഫെഡറേഷന്റെ (ഐബിഎസ്എ) ലോക ഗെയിംസിന്റെ ടി-20 ഫൈനലില് ഇന്ത്യന് വനിതാ ടീം ജേതാക്കളായി.മഴ തടസപ്പെടുത്തിയ മത്സരത്തില് ഓസ്ട്രേലിയയെ ഒമ്പത് വിക്കറ്റിനാണ് ഇന്ത്യന് ടീം പരാജയപ്പെടുത്തിയത്.
115 റണ്സ് വിജയലക്ഷ്യം ഓസ്ട്രേലിയ ഉയര്ത്തിയെങ്കിലും മഴയെ തുടര്ന്ന് മത്സരം 9 ഓവറാക്കി ചുരുക്കി . 42 റണ്സായി ഇന്ത്യയുടെ വിജയ ലക്ഷ്യം പുനഃക്രമീകരിക്കുകയായിരുന്നു. 3.3 ഓവറില് ഒരു വിക്കറ്റ് നഷ്ടത്തില് ഇന്ത്യ ലക്ഷ്യം കണ്ടു.
അതേസമയം, ഇന്റര്നാഷണല് ബ്ലൈന്ഡ് സ്പോര്ട്സ് ഫെഡറേഷന് (ഐബിഎസ്എ) വേള്ഡ് ഗെയിംസ് ഫൈനലില് ഇന്ത്യന് പുരുഷ ടീമും മത്സരത്തിനിറങ്ങും. പാകിസ്ഥാനാണ് എതിരാളി.
