പാരീസ് : പാരീസില്‍ നടന്ന ലോകകപ്പ് സ്റ്റേജ് 4ല്‍ മെക്സിക്കോയുടെ ഡാഫ്നെ ക്വിന്റേറോയെ പരാജയപ്പെടുത്തി ഇന്ത്യന്‍ കോമ്പൗണ്ട് അമ്പെയ്ത്ത് താരം ജ്യോതി സുരേഖ വെണ്ണം സെമിയില്‍ പ്രവേശിച്ചു. 147-144 എന്ന സ്‌കോറിനാണ് ഡാഫ്നെയെ ജ്യോതി തോല്‍പ്പിച്ചത്.
ബ്രിട്ടന്റെ എല്ല ഗിബ്സണാണ് സെമിയില്‍ ജ്യോതിയുടെ എതിരാളി.ഈ വര്‍ഷം, കോമ്പൗണ്ട് വനിതാ ടീം ഫൈനലില്‍ മെക്‌സിക്കന്‍ ടീമിനെ തോല്‍പ്പിച്ച് ലോക അമ്പെയ്ത്ത് ചാമ്പ്യന്‍ഷിപ്പില്‍ സഹതാരങ്ങളായ അദിതി ഗോപിചന്ദ് സ്വാമി, പര്‍ണീത് കൗര്‍ എന്നിവര്‍ക്കൊപ്പം സ്വര്‍ണമെഡല്‍ നേടിയിരുന്നു ജ്യോതി.
ലോകകപ്പ് സ്റ്റേജ് 4-ന്റെ ക്വാര്‍ട്ടര്‍ ഫൈനലില്‍ എല്ല അദിതി സ്വാമിയെയാണ് പുറത്താക്കിയത്. 135-148 എന്ന സ്‌കോറിനാണ് എല്ല വിജയിച്ചത്.
പ്രതികരിക്കാൻ ഇവിടെ എഴുതുക: