തിരുവനന്തപുരം: ടൂറിസം, ഹോസ്പിറ്റാലിറ്റി മാനേജ്മെന്റ് രംഗത്തെ ഏറ്റവും മുന്നിരയില് എത്തിച്ചേര്ന്നതിനുള്ള ഇന്ത്യാ ബുക്ക് ഓഫ് വേള്ഡ് റെക്കോര്ഡ് സ്ഥാനം ഉദയ സമുദ്ര ഗ്രൂപ്പ് (യുഡിഎസ്) സിഇഒയും ചെയര്മാനുമായ ഡോ. രാജശേഖരന് നായര്ക്ക് സിംഗപ്പൂരിലെ ഷാംഗ്രി-ലെയിലില് നടന്ന ചടങ്ങില് സമ്മാനിച്ചു.
ഇന്ത്യയുടെ ജി20 ആഘോഷങ്ങളുടെ ഭാഗമായി നടന്ന ചടങ്ങിലാണ് തങ്കപ്പതക്കവും സര്ട്ടിഫിക്കറ്റും പ്രശസ്തിപത്രവും അടങ്ങുന്ന അവാര്ഡ് ലോക റെക്കോര്ഡ് ഐബിഡബ്ല്യുആര് ചെയര്മാന് ഡോ.സദ്ദാം ഹുസൈനില് നിന്നും ഡോ. രാജശേഖരന് നായര് ഏറ്റുവാങ്ങിയത്. ലോകോത്തര നിലവാരത്തിലെ പ്രവര്ത്തന മികവിനുള്ള ഇന്റര്നാഷണല് എക്സലന്സ് അവാര്ഡും രാജശേഖരന് നായര്ക്ക് ചടങ്ങില് വച്ചു സമ്മാനിച്ചു.
