ന്യൂദല്‍ഹി: ഇന്ത്യന്‍ സ്വാതന്ത്ര്യദിനാഘോഷത്തിലല്ല, ഇറ്റാലിയന്‍ സ്വാതന്ത്ര്യദിനാഘോഷത്തിലായിരിക്കും മല്ലികാര്‍ജുന്‍ ഖാര്‍ഗെ പങ്കെടുക്കുകയെന്ന് കേന്ദ്രമന്ത്രി രാജീവ് ചന്ദ്രശേഖര്‍. പ്രധാനമന്ത്രി പങ്കെടുത്ത ഇന്ത്യന്‍ സ്വാതന്ത്ര്യദിനാഘോഷം ബഹിഷ്കരിച്ച കോണ്‍ഗ്രസ് ദേശീയാധ്യക്ഷന്‍ മല്ലികാര്‍ജുന്‍ ഖാര്‍ഗെയുടെ നീക്കത്തെ പരിഹസിക്കുകയായിരുന്നു രാജീവ് ചന്ദ്രശേഖര്‍.
“ഇന്ത്യന്‍ സ്വാതന്ത്ര്യദിനാഘോഷത്തില്‍ പങ്കെടുക്കരുതെന്ന് ഖാര്‍ഗെയ്‌ക്ക് 10 ജനപഥില്‍ നിന്നും (സോണിയയുടെ വസതി) നിര്‍ദേശമുണ്ടായിരുന്നിരിക്കാം. ആ കുടുംബത്തില്‍ നിന്നുള്ള അനുമതിയില്ലാതെ ഒന്നും ഖാര്‍ഗെയ്‌ക്ക് ചെയ്യാനാവില്ല.” – രാജീവ് ചന്ദ്രശേഖര്‍ പരിഹസിച്ചു
“തങ്ങള്‍ കേന്ദ്രസര്‍ക്കാരില്‍ അംഗമല്ലാത്തതിനാല്‍ ഇന്ത്യന്‍ സ്വാതന്ത്ര്യദിനാഘോഷത്തില്‍ പങ്കെടുക്കേണ്ടെന്ന് ആ കുടുംബം (സോണിയയുടെ) ഖാര്‍ഗെയെ വിലക്കിയിട്ടുണ്ടാകാം. ഒരു പക്ഷെ ഇറ്റലിയിലെ സ്വാതന്ത്ര്യദിനാഘോഷത്തില്‍ ഖാര്‍ഗെ പങ്കെടുത്തേയ്‌ക്കും.” – രാജീവ് ചന്ദ്രശേഖര്‍ പറഞ്ഞു.
