ആലപ്പുഴ: ആവേശപ്പെരുമഴയുടെ കൊടുമുടിയില് തുഴഞ്ഞേറിയ മത്സരത്തില് നെഹ്റു ട്രോഫിയില് കിരീടം നേടി പള്ളാത്തുരുത്തി ബോട്ട് ക്ലബ് തുഴഞ്ഞ വീയപുരം ചുണ്ടന്. പള്ളാത്തുരുത്തി ബോട്ട് ക്ലബ് തുഴഞ്ഞ വീയപുരം ചുണ്ടന്, യുബിസി കൈനകരി തുഴഞ്ഞ നടുഭാഗം ചുണ്ടന്, കെടിബിസി തുഴഞ്ഞ ചമ്പക്കുളം ചുണ്ടന്, കേരള പൊലീസ് തുഴഞ്ഞ കാട്ടില് തെക്കെതില് ചുണ്ടന് എന്നീ വള്ളങ്ങളാണ് ഫൈനലില് പോരാടിയത്.
പള്ളാത്തുരുത്തി ബോട്ട് ക്ലബിന് ഇത് തുടര്ച്ചയായ നാലാം വിജയമാണ്. കഴിഞ്ഞ തവണ മഹാദേവികാട് കാട്ടില് തെക്കേതില് ചുണ്ടനിലാണ് പള്ളാത്തുരുത്തി ബോട്ട് ക്ലബ് ഹാട്രിക് തികച്ചത്.അഞ്ച് ഹീറ്റ്സുകളായി നടന്ന മല്സരത്തില് ഏറ്റവും മികച്ച സമയം കുറിച്ചത് വീയപുരം ചുണ്ടനായിരുന്നു (4.18.80).
