കോട്ടയം: ബസേലിയസ് കോളജ് വജ്രജൂബിലി ആഘോഷങ്ങളുടെ ഭാഗമായി നടത്തുന്ന ബസേലിയസ് എവറോളിങ് ട്രോഫിക്കുവേണ്ടിയുള്ള സൗത്ത് ഇന്ത്യന് ഇന്റര്കോളജ് ബാസ്കറ്റ്ബോള് മത്സരങ്ങളും, ഉപ്പൂട്ടില് കുര്യന് ഏബ്രഹാം മെമ്മോറിയല് ഇന്റര്കോളജ് ഫുട്ബോള് മത്സരങ്ങളും 11 മുതല് 17 വരെ നടക്കും. മത്സരത്തില് ഇരുപതിലധികം ടീമുകള് പങ്കെടുക്കും.
11ന് വൈകിട്ട് മൂന്നിന് കോളജ് ഓഡിറ്റോറിയത്തില് നടക്കുന്ന യോഗത്തില് പ്രിന്സിപ്പാള് പ്രൊഫ. ഡോ.ബിജു തോമസ് അധ്യക്ഷനാകും. സംസ്ഥാന ചലച്ചിത്ര പുരസ്കാര ജേതാവും, പൂര്വവിദ്യാര്ത്ഥിയുമായ സന്തോഷ്.ടി.കുരുവിള മത്സരങ്ങള് ഉദ്ഘാടനം ചെയ്യും. 11ന് ഫുട്ബോള് മത്സരവും, 14ന് പുരുഷവിഭാഗം ബാസ്ക്കറ്റ് ബോള് മത്സരവും, 17ന് വനിതാ വിഭാഗം ബാസ്ക്കറ്റ് ബോള് മത്സരവും നടക്കും. 16നും 17നും നടക്കുന്ന സമാപന സമ്മേളനത്തില് വിജയികള്ക്കുള്ള ട്രോഫികള് സമ്മാനിക്കുമെന്നും സംഘാടക സമിതി അറിയിച്ചു.
