ഫ്‌ളോറിഡ: മെസിയുടെ ഇരട്ട ഗോളില്‍ ഇന്റര്‍ മിയാമിക്ക് വീണ്ടും ജയം. ലീഗ്‌സ് കപ്പ് റൗണ്ട് ഓഫ് 32 മത്സരത്തില്‍ ഓര്‍ലാന്‍ഡോ സിറ്റിയെ തകര്‍ത്ത് മിയാമി മുന്നേറി. ഒന്നിനെതിരെ മൂന്ന് ഗോളുകള്‍ക്കായിരുന്നു മെസ്സിയും സംഘവും ജയിച്ചുകയറിയത്.
ഏഴാം മിനിറ്റിലും 72-ാം മിനിറ്റിലും അത്യുഗ്രന്‍ ഫിനിഷിങ്ങുമായാണ് മെസി കളം നിറഞ്ഞത്. റോബര്‍ട്ട് ടെയ്‌ലര്‍ നല്‍കിയ പാസില്‍ പന്ത് വായുവില്‍ നില്‍ക്കെയാണ് മെസി ഫിനിഷ് ചെയ്തത്. പത്ത് മിനിറ്റിനുള്ളില്‍ കെസര്‍ അറൂജോയിലൂടെ ഒര്‍ലാന്‍ഡോ തിരിച്ചടിച്ച് ഒപ്പമെത്തി. രണ്ടാം പകുതിയുടെ തുടക്കത്തില്‍ ഇന്റര്‍ മിയാമിക്ക് ലഭിച്ച പെനല്‍റ്റി കിക്കെടുത്ത ജോസഫ് മാര്‍ട്ടിനെസിന് ലക്ഷ്യം തെറ്റിയില്ല. താരം തന്നെയാണ് മെസിയുടെ രണ്ടാം ഗോളിലേക്കുള്ള പാസ് നല്‍കിയത്.
പ്രതികരിക്കാൻ ഇവിടെ എഴുതുക: