സുക്മ: ഇന്ന് ഛത്തീസ്ഗഡിലെ സുക്മ ജില്ലയില് സുരക്ഷാ ഉദ്യോഗസ്ഥരും നക്സലൈറ്റുകളും തമ്മിലുണ്ടായ ഏറ്റുമുട്ടലില് നാലിലേറെ നക്സലുകള് മരിച്ചുവെന്നാണ് റിപ്പോര്ട്ട്. സ്ഥലത്ത് നിന്ന് മൃതദേഹങ്ങളൊന്നും കണ്ടെത്താന് ഇതുവരെ സാധിച്ചിട്ടില്ല. കുറഞ്ഞത് നാലോ ആറോ നക്സലുകള് കൊല്ലപ്പെടുകയോ പരിക്കേല്ക്കുകയോ ചെയ്തിട്ടുണ്ടെന്ന് ഉദ്യോഗസ്ഥര് പറഞ്ഞു.
വെടിവയ്പ്പില് പരിക്കേറ്റവരെ നക്സലൈറ്റുകള് വനത്തിലേക്ക് വലിച്ചിഴച്ചുകൊണ്ടുപോയിയെന്നും ഉദ്യോഗസ്ഥര് പറഞ്ഞു. ചിന്റഗുഫ, കിസ്താരം പോലീസ് സ്റ്റേഷന് പരിധിയിലെ മാവോയിസ്റ്റ് ശക്തികേന്ദ്രത്തില് സ്ഥിതി ചെയ്യുന്ന ഛോട്ടേകെദ്വാള് ഗ്രാമത്തിലെ വനത്തില് സുരക്ഷാ ഉദ്യോഗസ്ഥര് നക്സലൈറ്റ് വിരുദ്ധ ഓപ്പറേഷനില് ഏര്പ്പെട്ടിരിക്കെയാണ് ഏറ്റുമുട്ടലുണ്ടായതെന്ന് പോലീസ് ഉദ്യോഗസ്ഥന് പറഞ്ഞു.
