കൊളംബോ: പാകിസ്ഥാനെതിരായ രണ്ടാം ക്രിക്കറ്റ് ടെസ്റ്റിലും ആതിഥേയരായ ശ്രീലങ്ക തകര്‍ന്നു തന്നെ തുടരുന്നു. ടോസ് നേടി ബാറ്റ് ചെയ്യാനിറങ്ങിയ അവര്‍ 48.4 ഓവറില്‍ വെറും 166 റണ്‍സില്‍ ഓള്‍ഔട്ടായി. അര്‍ദ്ധസെഞ്ച്വറി പ്രകടനവുമായി ധനഞ്ജയ ഡി സില്‍വ(57) തിളങ്ങിയപ്പോള്‍ ദിനേശ് ചണ്ഡിമലും(34) രമേഷ് മെന്‍ഡിസും മാത്രമാണ് പിന്തുണ നല്‍കിയത്. സ്പിന്നിന് അനുകൂലമായ പിച്ചില്‍ പാക് ലെഗ് ബ്രേക്കര്‍ അബ്രാര്‍ അഹമ്മദ് നാല് വിക്കറ്റ് പ്രകടനവുമായി തിളങ്ങി. നസീം ഷാ മൂന്ന് വിക്കറ്റും സന്ദര്‍ശകര്‍ക്കുവേണ്ടി നേടി.
മറുപടി ബാറ്റിങ് ആരംഭിച്ച പാകിസ്ഥാന് രണ്ട് വിക്കറ്റ് നഷ്ടത്തില്‍ 145 റണ്‍സെടുത്തു. 28.3 ഓവറില്‍ വേഗക്കളിയുടെ പാതയിലാണ് പാകിസ്ഥാനും. ഓപ്പണര്‍ അബ്ദുല്ലാഹ് ഷഫീഖ് (74) പുറത്താകാതെ നില്‍ക്കുന്നുണ്ട്. എട്ട് റണ്‍സുമായി നായകന്‍ ബബര്‍ അസം ആണ് ക്രീസില്‍ ഒപ്പമുള്ളത്. ഷാന്‍ മസൂദ് അര്‍ദ്ധ സെഞ്ച്വറി(51)യോടെ പുറത്തായി. ഓപ്പണര്‍ ഇമാം ഉള്‍ ഹഖ്(ആറ്) നിരാശപ്പെടുത്തി.
പ്രതികരിക്കാൻ ഇവിടെ എഴുതുക: