കണക്ട് മീഡിയയും എവിഎസ് സ്റ്റുഡിയോസുമായി ബാലാജി ടെലിഫിലിംസിന്റെ ബാനറില് ഏക്താ കപൂര് സംയുക്തമായി നിര്മിച്ച് നന്ദ കിഷോര് സംവിധാനം ചെയ്യുന്ന മോഹന്ലാല് നായകനാകുന്ന തെലുഗ് മലയാളം ചിത്രം ‘വൃഷഭ’യുടെ ഷൂട്ടിങ്ങ് ആരംഭിച്ചു. ജൂലൈ 22ന് ആരംഭിച്ച ഷൂട്ടിങ്ങ് ഒരുപാട് ഇമോഷണല് രംഗങ്ങള് കൊണ്ടും ഞെട്ടിപ്പിക്കുന്ന ആക്ഷന് രംഗങ്ങള് കൊണ്ടും നിറഞ്ഞതാകും.
മോഹന്ലാലിനൊപ്പം മകനായി റോഷന് മെകയും ഷനായ കപൂറും സാറാ എസ് ഖാനും ചിത്രത്തില് എത്തുന്നു. ചിത്രത്തില് അഭിനയിക്കുന്നവരുടെ മറ്റ് വിവരങ്ങള് പുറത്തുവിട്ടിട്ടില്ല. സഞ്ജയ് കപൂറിന്റെ മകള് ഷനായ കപൂര് പാന് ഇന്ത്യന് അരങ്ങേറ്റം കുറിക്കുന്ന ചിത്രം കൂടിയാണ്. റോഷന് മെകയുടെ പെയര് ആയിട്ടാണ് ചിത്രത്തില് ഷനായ എത്തുന്നത്.
ചിത്രത്തില് വളരെ പ്രധാനപ്പെട്ട കഥാപാത്രത്തെയാണ് ഷനായ അവതരിപ്പിക്കുന്നത്. ഷനായയുടെ സാന്നിധ്യം ചിത്രത്തിന് കൂടുതല് ഗ്ലാമര് പരിവേഷം കിട്ടുമെന്നുറപ്പ്. എല്ലാ തലമുറകളെയും ആവേശം നിറയ്ക്കുന്ന ആക്ഷന് എന്റര്ടൈനര് ചിത്രമാകും. ചിത്രത്തില് മോഹന്ലാലിന്റെ മകനായി റോഷന് മെക എത്തുന്നു. 2024ലെ തന്നെ ഏറ്റവും വലിയ ചിത്രമായിട്ടാണ് വൃഷഭ അണിയറയില് ഒരുങ്ങുന്നത്. അച്ഛനും മുഖകനും തമ്മിലുള്ള നാടകീയമായ കഥയാണ് ചിത്രം സംസാരിക്കുന്നത്.
ഇമോഷന്സ് കൊണ്ടും വിഎഫ്എക്സ് കൊണ്ടും മികച്ച ദൃശ്യാനുഭവമാകും പ്രേക്ഷകര്ക്കായി വൃഷഭ സമ്മാനിക്കുന്നത്. നന്ദ കിഷോര് സംവിധാനം ചെയ്യുന്ന വൃഷഭ ഈ മാസം അവസാനത്തോട് കൂടി തന്നെ ഷൂട്ടിങ്ങ് ആരംഭിക്കും. മലയാളം, തെലുഗ്, കന്നഡ, തമിഴ്, ഹിന്ദി ഭാഷകളില് ചിത്രം റിലീസിനെത്തും. 2024ല് 4500ഓളം സ്ക്രീനുകളില് മലയാളം, തെലുഗ്, തമിഴ്, കന്നഡ, ഹിന്ദി ഭാഷകളില് ചിത്രം റിലീസിനെത്തും.
എ വി എസ് സ്റ്റുഡിയോസിന്റെ ബാനറില് അഭിഷേക് വ്യാസ്, ഫസ്റ്റ് സ്റ്റെപ് മൂവീസിന്റെ ബാനറില് വിശാല് ഗുര്നാനി, ജൂറി പരേഖ് മെഹ്ത, ശ്യാം സുന്ദര്, ബാലാജി ടെലിഫിലിംസിന്റെ ബാനറില് ഏക്ത കപൂര്, ശോഭ കപൂര്, കണക്ട് മീഡിയയുടെ ബാനറില് വരുണ് മാതുര് എന്നിവര് ചിത്രം നിര്മിക്കുന്നു. ശബരിയാണ് ചിത്രത്തിന്റെ പിആര്ഒ.
