ബെംഗളൂരു: കര്‍ണ്ണാടകയിലെ ശിവമൊഗ്ഗയില്‍ പ്രായപൂര്‍ത്തിയാകാത്ത പെണ്‍കുട്ടിയെ ലൈംഗികമായി പീഡിപ്പിച്ച കതോലിക്ക പുരോഹിതനായ കോളെജ് പ്രിന്‍സിപ്പല്‍ അറസ്റ്റിലായി. ശിവമൊഗ്ഗ അതിരൂപതയ്‌ക്ക് കീഴിലുള്ള സേക്രഡ് ഹാര്‍ട്ട് കോളെജിലാണ് സംഭവം.
ഫ്രാന്‍സിസ് ഫെര്‍ണാണ്ടസ് എന്ന പുരോഹിതനായ കോളെജ് പ്രിന്‍സിപ്പലാണ് അറസ്റ്റിലായത്. ബംജാര സമുദായത്തില്‍പ്പെട്ട 17 കാരിയെയാണ് പുരോഹിതന്‍ ലൈംഗികപീഢനത്തിന് വിധേയമാക്കിയത്. പ്രേമത്തിന്റെ പേര് പറഞ്ഞാണ് പുരോഹിതന്‍ മകളെ ലൈംഗികമായി പീഢിപ്പിച്ചതെന്ന് കുട്ടിയുടെ അച്ഛന്‍ നല‍്കിയ പരാതിയില്‍ പറയുന്നു. ഈ പുരോഹിതന്‍ ഇതിന് മുന്‍പും പെണ്‍കുട്ടികളെ പീഡിപ്പിച്ചിട്ടുണ്ടെന്ന് ദളിത് സാമൂഹ്യപ്രവര്‍ത്തകന്‍ ആരോപിച്ചു. പ്രശ്നം പുറത്തുവന്നതോടെ ബംജാര സമുദായത്തില്‍ പെട്ടവര്‍ പ്രകടനം നടത്തി. പുരോഹിതനെതിരെ പോക്സോ വകുപ്പു പ്രകാരവും എസ് എസ്ടി വകുപ്പ് പ്രകാരവും കേസെടുത്തു.
കോടതിയില്‍ ഹാജരാക്കിയ പുരോഹിതനെ 14 ദിവസം ജുഡീഷ്യല്‍ കസ്റ്റഡിയില്‍ വെച്ചു. .
പ്രതികരിക്കാൻ ഇവിടെ എഴുതുക: