സോള്‍: കൊറിയ ഓപ്പണ്‍ ബാഡ്മിന്റണ്‍ ടൂര്‍ണമെന്റിന്റെ പുരുഷ ഡബിള്‍സ് ഫൈനലില്‍ കടന്ന് ഇന്ത്യയുടെ സാത്വിക്സായിരാജ് രങ്കിറെഡ്ഡി-ചിരാഗ് ഷെട്ടി സഖ്യം . ജിന്നം സ്റ്റേഡിയത്തില്‍ നടന്ന സെമിയില്‍ 21-15, 24-22 എന്ന സ്‌കോറിന് ചൈനയുടെ ലിയാങ് വീ കെങ്-വാങ് ചാങ് സഖ്യത്തെ പരാജയപ്പെടുത്തിയാണ് കലാശപ്പോരാട്ടത്തിന് യോഗ്യത നേടിയത്.
ചൈനയുടെ ലോക രണ്ടാം നമ്പര്‍ സഖ്യത്തിനെതിരെ സാത്വിക്സായിരാജ് രങ്കിറെഡ്ഡി-ചിരാഗ് ഷെട്ടി സഖ്യം മൂന്ന് തവണ മത്സരിച്ചതില്‍ ഇത് അവരുടെ ആദ്യ വിജയമായിരുന്നു. നേരത്തെ ഓള്‍ ഇംഗ്ലണ്ട് ഓപ്പണിലും മലേഷ്യ ഓപ്പണിലും നടന്ന ഏറ്റുമുട്ടലുകളില്‍ ലിയാങ് വെയ്കെങ്ങും വാങ് ചാങ്ങും ഇന്ത്യന്‍ സഖ്യത്തെ മറികടന്നിരുന്നു.
ഇന്തോനേഷ്യന്‍ ടോപ്പ് സീഡ് ഫജര്‍ ആല്‍ഫിയാന്‍- മുഹമ്മദ് റിയാന്‍ അര്‍ഡിയാന്റോ സഖ്യത്തെയാണ് ഇന്ത്യന്‍ സഖ്യം ഫൈനലില്‍ നേരിടുക. കൊറിയയുടെ കാങ് മിന്‍ ഹ്യൂക്ക് സിയോ സിയുങ് ജേ സഖ്യത്തെ പരാജയപ്പെടുത്തിയാണ് ഇന്തോനേഷ്യന്‍ സഖ്യം ഫൈനലില്‍ എത്തിയത്.ഞായറാഴ്ചയാണ് ഫൈനല്‍.
പ്രതികരിക്കാൻ ഇവിടെ എഴുതുക: