തിരൂര്: മലപ്പുറം തിരൂരങ്ങാടിയില് വിദ്യാര്ഥിനിക്കുനേരെ പാഞ്ഞടുത്ത് തെരുവുനായ്ക്കള്. ആക്രമണത്തില് നിന്ന് പെണ്കുട്ടി രക്ഷപ്പെട്ടത് തലനാരിഴയ്ക്കാണ്. ഇതിന്റെ സിസിടിവി ദൃശ്യങ്ങളും പുറത്തുവന്നിട്ടുണ്ട്. കുട്ടിയുടെ കരച്ചിൽ കേട്ട് അയൽക്കാർ ചാടി വീണതോടെയാണ് കുട്ടി രക്ഷപ്പെട്ടത്.
ശനിയാഴ്ച രാവിലെ ആറരയോടെ മദ്രസയിലേക്ക് പോവുമ്പോഴാണ് കുട്ടിയെ തെരുവ് നായ ഓടിച്ചത്. നായ പിന്തുടർന്ന് എത്തിയതോടെ കുട്ടി സമീപത്തെ വീടിന് മുറ്റത്തേയ്ക്ക് ഓടിക്കയറുകയായിരുന്നു. അതേസമയം, സംസ്ഥാനത്ത് തെരുവുനായ ആക്രമണം രൂക്ഷമാകുകയാണ്. തിരുവനന്തപുരം ബാലരാമപുരത്ത് നാലുപേരെ കടിച്ച തെരുവുനായയെ ചത്തനിലയില് കണ്ടെത്തി.
കടിയേറ്റവര്ക്ക് വാക്സിനുള്പ്പെടെ ചികിത്സ നല്കിയതായി അധികൃതര് അറിയിച്ചു.
