തിരുവനന്തപുരം: ലോയല്റ്റി പോയിന്റുകള് ചെലവഴിക്കുന്നതില് വിമാന യാത്രികര്ക്ക് ധാരണക്കുറവെന്ന് ട്രാവല് ടെക് സ്ഥാപനമായ ഐബിഎസ് സോഫ്റ്റ്വെയര് സര്വെ. സിങ്കപ്പൂര്, ഹോങ്കോങ്, ദുബായ് എന്നിവിടങ്ങളില് നിന്ന് കഴിഞ്ഞ 18 മാസത്തിനിടെ വിമാനത്തില് യാത്ര ചെയ്ത 1500 യാത്രക്കാരിലാണ് സര്വെ നടത്തിയത്. പ്രതികരിച്ചവരില് വിനോദസഞ്ചാരികളും ബിസിനസ് യാത്രികരും ഉള്പ്പെടുന്ന 63% എയര്ലൈന് ലോയല്റ്റി പ്രോഗ്രാമുകളിലെ അംഗങ്ങളാണ്. ബാക്കിയുള്ളവര് സൂപ്പര്മാര്ക്കറ്റ് (44%), വസ്ത്ര ബ്രാന്ഡ് (36%), ഭക്ഷണശാല (33%) സ്കീമുകള് തെരഞ്ഞെടുക്കാന് താത്പര്യം പ്രകടിപ്പിക്കുന്നവരാണ്.
എയര്ലൈന് ലോയല്റ്റി പ്രോഗ്രാമുകള് വ്യാപകമായി സ്വീകരിച്ചിട്ടും പകുതിയിലധികം പോയിന്റുകള് എവിടെ നിന്ന് റിഡീം ചെയ്യാമെന്ന് അറിവില്ലാത്തതിനാല് 56% പേര്ക്ക് ഇത് പ്രയോജനപ്പെടുത്താനാകുന്നില്ല. ലോയല്റ്റി പ്രോഗ്രാമില് ഒരിക്കലും അംഗമായിട്ടില്ലാത്തവരോ അംഗത്വ കാലാവധി കഴിഞ്ഞവരോ ആയ 37% സര്വെയോട് പ്രതികരിച്ചത് ആനുകൂല്യങ്ങളെക്കുറിച്ച് അറിയില്ലെന്നാണ്. പോയിന്റുകള് കെട്ടിപ്പടുക്കുന്നത് വളരെ ബുദ്ധിമുട്ടാണെന്ന ധാരണയാണ് ലോയല്റ്റി പ്രോഗ്രാമുകള് ഒഴിവാക്കുന്നതിനുള്ള കാരണമായി 23% പേര് പ്രതികരിച്ചത്.
ലോയല്റ്റി പ്രോഗ്രാമിന്റെ ഭാഗമല്ലാത്ത 58% പേര് ഭാവിയില് ഇത് പരീക്ഷിക്കാന് തയ്യാറാണെന്ന് പറയുന്നു. ഭാവിയില് ലോയല്റ്റി പ്രോഗ്രാമുകള് പരീക്ഷിക്കാന് വിമുഖത കാണിക്കുന്ന ഹോങ്കോങ്ങുകാര് 46% മാത്രമാണ്. അംഗങ്ങളായിട്ടുള്ളവര് ശരാശരി രണ്ട് എയര്ലൈന് ലോയല്റ്റി പ്രോഗ്രാമുകളിലെങ്കിലും ഉള്പ്പെടുന്നുണ്ട്. ക്ലാസ് അപ്ഗ്രേഡുകളും കാലാവധി കഴിയാത്ത പോയിന്റുകളും ആകര്ഷകങ്ങളാണ്. ഫാസ്റ്റ് ട്രാക്ക് ചെക്ക് ഇന്, ഉടനടിയുള്ള റിവാര്ഡുകള്, ഇവന്റുകളിലേക്കുള്ള സൗജന്യ ടിക്കറ്റുകള് എന്നിവയാണ് ബിസിനസ് യാത്രക്കാരെ ആകര്ഷിക്കുന്നത്.
