പാലക്കാട്: രേഖകളില്ലാതെ ബസില്‍ കടത്തുകയായിരുന്ന 30 ലക്ഷം രൂപയുമായി മഹാരാഷ്ട്ര സ്വദേശി പിടിയില്‍. വാളയാറില്‍ എക്സൈസ് പരിശോധന നടത്തുന്നതിനിടെയാണ് ഗുംഗൂര്‍ സ്വദേശി ശിവാജി പിടിയിലായത്.
പാലക്കാട്ടേക്കുള്ള തമിഴ്‌നാട് ബസില്‍ ബാഗിലായിരുന്നു തുക കൊണ്ടുവന്നിരുന്നത്. കൈയിലുള്ള ബാഗില്‍ എന്താണെന്ന് ചോദിച്ചപ്പോള്‍ വസ്ത്രങ്ങളാണെന്നായിരുന്നു മറുപടി. ഇതിനിടെ ബാഗ് ചേര്‍ത്തുപിടിക്കാന്‍ ശ്രമിച്ചപ്പോള്‍ സംശയം തോന്നി നടത്തിയ പരിശോധനക്കിടയിലാണ് വസ്ത്രങ്ങള്‍ക്കിടയില്‍നിന്നും രണ്ട് പൊതികളിലായി സൂക്ഷിച്ച 30 ലക്ഷം രൂപ കണ്ടെത്തിയത്. യാതൊരു രേഖയുമുണ്ടായിരുന്നില്ല. തുക എറണാകുളത്തെത്തിച്ചാല്‍ 25,000 രൂപ ലഭിക്കുമെന്നുള്ള ആഗ്രഹത്താലാണ് താന്‍ ഇത് ചെയ്തതെന്നായിരുന്നു മറുപടി.
കോയമ്പത്തൂരില്‍നിന്നും ബസ് കയറിയെന്നല്ലാതെ പണത്തിനുള്ള ഉറവിടത്തിന് ശിവാജിക്ക് മറുപടിയുണ്ടായിരുന്നില്ല. വാളയാര്‍ പോലീസ് അന്വേഷണം നടത്തും.
പ്രതികരിക്കാൻ ഇവിടെ എഴുതുക: