ഗാന്ധിനഗര്‍: വിദേശകാര്യമന്ത്രി എസ്. ജയശങ്കര്‍ ഗുജറാത്തില്‍ നിന്ന് രാജ്യസഭയിലേക്ക് മത്സരിക്കുന്നതിന് നാമനിര്‍ദേശ പത്രിക സമര്‍പ്പിച്ചു. ഈ മാസം 24നാണ് രാജ്യസഭയിലേക്കുള്ള തെരഞ്ഞെടുപ്പ്. നാമനിര്‍ദേശപത്രിക സമര്‍പ്പിക്കാനുള്ള അവസാന തീയതി 13. പിന്‍വലിക്കാനുള്ള തീയതി 17.
കഴിഞ്ഞ തവണയും ഗുജറാത്തില്‍ നിന്നാണ് ജയശങ്കര്‍ രാജ്യസഭയിലേക്ക് തെരഞ്ഞെടുക്കപ്പെട്ടത്. ജയശങ്കര്‍ ഉള്‍പ്പെടെ കാലാവധി കഴിഞ്ഞ മൂന്നു സീറ്റുകളിലേക്കാണ് തെരഞ്ഞെടുപ്പ്. മുഖ്യമന്ത്രി ഭൂപേന്ദ്ര പട്ടേല്‍, ബിജെപി ഗുജറാത്ത് അധ്യക്ഷന്‍ സി.ആര്‍. പട്ടേല്‍ എന്നിവര്‍ക്കൊപ്പമെത്തി റിട്ടേണിങ് ഓഫീസര്‍ റീത്ത മേത്തയ്‌ക്കാണ് ജയശങ്കര്‍ നാമനിര്‍ദേശ പത്രിക സമര്‍പ്പിച്ചത്.
പ്രതികരിക്കാൻ ഇവിടെ എഴുതുക: