തെറ്റിച്ചിറയിൽ വീട്ടമ്മയ്‌ക്ക് നേരെ തെരുവുനായ ആക്രമണം

പോത്തൻകോട്: കാവുവിള  തെറ്റിച്ചിറയിൽ വീട്ടമ്മയ്‌ക്ക് നേരെ തെരുവു നായയുടെ ആക്രമണം. തെറ്റിച്ചിറ ചന്ദ്രോദയത്തിൽ ചന്ദ്രിക(65)നെയാണ് തെരുവുനായ കടിച്ചത്. ഞായറാഴ്ച രാവിലെ ഏഴുമണിയോടെയാണ് സംഭവം. വീടിനു സമീപത്തെ മരണ വീട്ടിൽ പോയി മടങ്ങവേയാണ് തെരുവു നായ ഓടിയെത്തി ചന്ദ്രികയുടെ ഇടതു കണങ്കാലിൽ കടിച്ചത്. കാലിൽ ഗുരുതരമായി പരിക്കേറ്റ ചന്ദ്രികയെ മെഡിക്കൽ കോളെജ് ആശുപത്രിയിലെത്തിച്ച് പ്രതിരോധ കുത്തിവയ്‌പ്പെടുത്തു. ഈ തെരുവുമായ പണിമൂല, തെറ്റിച്ചിറ പ്രദേശങ്ങളിലെ വീട്ടിലെ വളർത്തുനായകളെയും മറ്റു തെരുവു നായകളെയും കടിച്ചതായി നാട്ടുകാർ പറഞ്ഞു.