തൃശൂരില്‍ വീണ്ടും ഭൂമിക്കടിയില്‍ നിന്ന് മുഴക്കം; ശബ്ദം കേട്ടത് ആമ്പല്ലൂര്‍, വരന്തരപ്പള്ളി ഭാഗങ്ങളില്‍

തൃശൂര്‍: തൃശൂരില്‍  വീണ്ടും ഭൂമിക്കടിയില്‍ നിന്ന് ശബ്ദം കേട്ടത് ആശങ്ക പരത്തി. ആമ്പല്ലൂര്‍, വരന്തരപ്പള്ളി എന്നിവിടങ്ങളിലാണ് മുഴക്കം കേട്ടത്.  

ഈ ശബ്ദം രണ്ട് സെക്കന്‍ഡാണ്  നീണ്ടുനിന്നത്. കഴിഞ്ഞ ഒരാഴ്ചയ്‌ക്കിടെ ഇത് മൂന്നാം തവണയാണ് ഇത്തരം സംഭവം റിപ്പോര്‍ട്ട് ചെയ്യുന്നത്.

കഴിഞ്ഞ ദിവസം ജില്ലാ ഭരണകൂടം പരിശോധന നടത്തിയെങ്കിലും ഭൂകമ്പത്തിന്റെ സൂചനകളൊന്നും കണ്ടെത്തിയിട്ടില്ല. നേരത്തെ കോട്ടയത്തും സമാന സംഭവം റിപ്പോര്‍ട്ട് ചെയ്തിരുന്നു.