ഒട്ടാവ : കാനഡ ഓപ്പണ്‍ ബാഡ്മിന്റണ്‍ ടൂര്‍ണമെന്റില്‍ ഇന്ത്യയുടെ പിവി സിന്ധുവും ലക്ഷ്യ സെന്നും സെമിയില്‍ കടന്നു.
രണ്ട് തവണ ഒളിമ്പിക്സ് മെഡല്‍ ജേതാവായ സിന്ധു, വനിതാ സിംഗിള്‍സിലെ ക്വാര്‍ട്ടര്‍ ഫൈനല്‍ മത്സരത്തില്‍ ചൈനയുടെ ഗാവോ ഫാങ്ജിയെ നേരിട്ടുള്ള ഗെയിമുകള്‍ക്ക് തോല്‍പിച്ചു. 21-13, 21-7 എന്ന സ്‌കോറിനാണ് സിന്ധുവിന്റെ വിജയം.
സെമിയില്‍ ഒന്നാം സീഡ് ജപ്പാന്റെ അകാനെ യമാഗുച്ചിയെയാണ് താരം നേരിടുക.
അതേസമയം, കോമണ്‍വെല്‍ത്ത് ഗെയിംസ് ചാമ്പ്യനായ ലക്ഷ്യ സെന്‍ ക്വാര്‍ട്ടര്‍ ഫൈനലില്‍ ബെല്‍ജിയത്തിന്റെ ജൂലി കരാഗിയെ 21-8, 17-21, 21-10 എന്ന സ്‌കോറിന് പരാജയപ്പെടുത്തി. ആദ്യ ഗെയിം വിജയിച്ച ലക്ഷ്യയ്‌ക്ക് മികച്ച തുടക്കമാണ് ലഭിച്ചത്. രണ്ടാം ഗെയിമില്‍ ഇടറിയെങ്കിലും അവസാന ഗെയിം വിജയിച്ച് ലക്ഷ്യ സെന്‍ അവസാന നാലിലെത്തി. സെമിയില്‍ കോമണ്‍വെല്‍ത്ത് ഗെയിംസ് ചാമ്പ്യന്‍ ജപ്പാന്റെ കെന്റ നിഷിമോട്ടോയെ നേരിടും.
പ്രതികരിക്കാൻ ഇവിടെ എഴുതുക: