തിരുവനന്തപുരം: കനത്ത മഴയെത്തുടര്ന്ന് സംസ്ഥാനത്ത് വിവിധയിടങ്ങളില് മരങ്ങള് കടപുഴകി വീണു. തിരുവനന്തപുരം പാറശാലയില് വീടിനുമുകളില് വീണ മരക്കൊമ്പ് വെട്ടിമാറ്റുന്നതിടെ കാല് വഴുതിവീണ് ചികിത്സയിലായിരുന്ന വയോധികന് മരിച്ചു. ചെറുവാര ബ്രൈറ്റ് നിവാസില് ചന്ദ്ര(68) ആണ് മരിച്ചത്. ബുധനാഴ്ച വൈകിട്ട് അഞ്ചരമണിയോടെയായിരുന്നു അപകടം.
അപകടം നടന്നയുടൻ തന്നെ പാറശാല താലൂക്ക് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. നഗര പ്രദേശങ്ങളിൽ മഴയ്ക്ക് കുറവുണ്ടെങ്കിലും ഉൾപ്രദേശങ്ങളിൽ മഴക്കെടുതി രൂക്ഷമാണ്. റോഡുകൾ മിക്കതും വെള്ളത്തിനടിയിലാണ്. പലയിടത്തും മരങ്ങൾ കടപുഴകി വീണ്ടു. വിതുര പോലീസ് സ്റ്റേഷന് പരിസരത്ത് മരം കടപുഴകിവീണു. സ്റ്റേഷനിൽ കസ്റ്റഡിയിലെടുത്ത വാഹനങ്ങള്ക്ക് മുകളിലേക്കാണ് മരം വീണത്. എട്ട് വാഹനങ്ങൾക്ക് കേടുപാട് സംഭവിച്ചു.
അഗ്നിരക്ഷാ സേന എത്തി മരം മുറിച്ചുമാറ്റി. സംസ്ഥാനത്ത് കനത്ത മഴയെ തുടര്ന്ന് വിവിധയിടങ്ങളില് മണ്ണിടിച്ചിലും കടല്ക്ഷോഭവും റിപ്പോര്ട്ട് ചെയ്യുന്നുണ്ട്.
