കൊച്ചി: സാങ്കേതിക തകരാര്‍ മൂലം കൊച്ചി അന്താരാഷ്‌ട്ര വിമാനത്താവളത്തിൽനിന്ന് ദുബായിലേക്ക് പോകേണ്ടിയിരുന്ന സ്പൈസ് ജെറ്റ് വിമാനം റദ്ദാക്കി. തിങ്കളാഴ്ച രാത്രി 11.45 ന് പുറപ്പെടേണ്ടിയിരുന്ന സ്പൈസ് ജെറ്റ് വിമാനമാണ് അവസാനമണിക്കൂറിലും സാങ്കേതികത്തകരാർ പരിഹരിക്കാനാകത്തത് മൂലം റദ്ദാക്കിയത്.
ദുബായിലെ ചില സാങ്കേതികപ്രശ്നങ്ങളെത്തുടർന്ന് ഈ വിമാനം തിങ്കളാഴ്ച പുലർച്ചെയാണ് നെടുമ്പാശേരിയിലെത്തിയത്. 152 പേരാണ് ഈ വിമാനത്തിൽ ദുബായിലേക്ക് പോകേണ്ടിയിരുന്നത്. സാങ്കേതിക തകരാർ പരിഹരിച്ച് വിമാനം തിങ്കളാഴ്ച രാത്രി ദുബായിലേക്ക് പുറപ്പെടുമെന്നായിരുന്നു കരുതിയിരുന്നത്. എന്നാൽ സാങ്കേതികത്തകരാർ പരിഹരിക്കാനാകാതെ വന്നതോടെ യാത്ര റദ്ദാക്കി.
അറിയിപ്പുകളൊന്നും ലഭിക്കാത്തതിനാല്‍ യാത്ര പുറപ്പെടാനായി മണിക്കൂറുകള്‍ക്ക് മുമ്പേ വിമാനത്താവളത്തില്‍ എത്തിയപ്പോഴാണ് സര്‍വീസ് റദ്ദാക്കിയ വിവരം യാത്രക്കാര്‍ അറിയുന്നത്.
ഇതുപോലെ രണ്ടാഴ്ച മുമ്പ് ബഹറൈനില്‍ നിന്നും ദല്‍ഹിയ്‌ക്കുള്ള വിമാന സര്‍വീസും മുടങ്ങിയിരുന്നു. എയർഇന്ത്യ വിമാനമാണ് അപ്രതീക്ഷിതമായി റദ്ദാക്കിയത്. മാസങ്ങള്‍ക്ക് മുമ്പ് ടിക്കറ്റ് ബുക്ക് ചെയ്ത് കാത്തിരുന്നവരുടെ ഉള്‍പ്പെടെ യാത്ര മുടങ്ങി.
പ്രതികരിക്കാൻ ഇവിടെ എഴുതുക: