മാന്നാര്: മാന്നാറില് വിദ്യാര്ത്ഥിനിയെ കടന്നു പിടിച്ച അറുപതു കാരനെ മാന്നാര് പോലിസ് അറസ്റ്റ് ചെയ്തു. മാന്നാര് കുരട്ടിക്കാട് മൂലയില് വീട്ടില് അബ്ദുല് സത്താര് (61) ആണ് അറസ്റ്റിലായത്. കഴിഞ്ഞ ശനിയാഴ്ച വിദ്യാര്ത്ഥിനിയുടെ പിതാവിന്റെ കടയില് വെച്ചാണ് സംഭവം.
പിതാവ് മകളെ കട ഏല്പ്പിച്ചിട്ട് വീട്ടിലേക്ക് പോയ സമയം സാധനം വാങ്ങാനായി കടയില് എത്തിയ പ്രതി സാധനങ്ങള് വാങ്ങിയതിന്റെ പണം നല്കിയ ശേഷം ബാക്കി തുക എടുക്കുന്നതിനായി മേശയുടെ ഭാഗത്തേക്ക് തിരിഞ്ഞ വിദ്യാര്ത്ഥിനിയെ കടക്കുള്ളില് കയറി കടന്നു പിടിക്കുകയായിരുന്നു. തുടര്ന്ന് പെണ്കുട്ടി ബഹളം വെച്ചു എങ്കിലും ഈ സമയം അടുത്ത് ആരും ഉണ്ടായിരുന്നില്ല. പിന്നീട് പെണ്കുട്ടി വീട്ടിലേക്ക് ഫോണിലൂടെ വിവരം അറിയിച്ചു തുടര്ന്ന് മാതാപിതാക്കളും ബന്ധുക്കളും എത്തി. ഈ സമയം പ്രതി സ്ഥലത്തു നിന്ന് പോയിരുന്നു. തുടര്ന്ന് വിദ്യാര്ത്ഥിനി മാന്നാര് പോലിസ് ഇന്സ്പെക്ടര് ജോസ് മാത്യുവിന് സ്റ്റേഷനില് എത്തി പരാതി നല്കി. തുടര്ന്നാണ് പ്രതിയെ പോലിസ് അറസ്റ്റ് ചെയ്തത്. പ്രതിയെ കോടതിയില് ഹാജരാക്കി 14 ദിവസത്തേക്ക് റിമാന്ഡ് ചെയ്തു.
