നോയ്ഡ : ഓണ്‍ലൈന്‍ ഗെയിം പബ്ജി വഴി പരിചയപ്പെട്ട പുരുഷനെ കാണാന്‍ പാകിസ്ഥാനില്‍ നിന്ന് മക്കളുമായി അനധികൃതമായി ഇന്ത്യയിലെത്തിയ യുവതി പിടിയില്‍. യുവതിയെയും നാല് മക്കളെയും ഇവരുടെ പരിചയക്കാരനായ യുവാവിനെയും ഗ്രേറ്റര്‍ നോയ്ഡ പൊലീസ് അറസ്റ്റ് ചെയ്തു.
‘പാകിസ്ഥാന്‍ യുവതിയെയും നാട്ടുകാരനായ യുവാവിനെയും കസ്റ്റഡിയിലെടുത്തിട്ടുണ്ട്. സ്ത്രീയുടെ നാല് കുട്ടികളും പോലീസ് കസ്റ്റഡിയിലുണ്ട്,’ -ഡെപ്യൂട്ടി പോലീസ് കമ്മീഷണര്‍ (ഗ്രേറ്റര്‍ നോയിഡ) സാദ് മിയ ഖാന്‍ പറഞ്ഞു.
യുവതി മക്കളോടൊപ്പം വാടക വീട്ടില്‍ താമസിച്ചു വരികയായിരുന്നു.
യുവാവിനെയും യുവതിയെയും ചോദ്യം ചെയ്യുകയാണെന്ന് പൊലീസ് വ്യക്തമാക്കി. ഉത്തര്‍പ്രദേശില്‍ കടന്ന് ഗ്രേറ്റര്‍ നോയിഡയില്‍ ബസില്‍ എത്തും മുമ്പ് യുവതി നേപ്പാള്‍ വഴിയാണ് കുട്ടികളുമായി ഇന്ത്യയിലേക്ക് വന്നത്.
പ്രതികരിക്കാൻ ഇവിടെ എഴുതുക: