ന്യൂദല്ഹി: ജൂണ് 27ന് രാത്രി രാജ്യതലസ്ഥാനത്തെ ഷഹബാദ് ഡെയറി ഏരിയയില് പ്രായപൂര്ത്തിയാകാത്ത പെണ്കുട്ടിയെ ബലാത്സംഗം ചെയ്ത കേസില് മൂന്ന് പേരെ അറസ്റ്റ് ചെയ്തതായി ദല്ഹി പോലീസ് അറിയിച്ചു. ബോബി, രാഹുല് എന്നിവര്ക്ക് പുറമെ ഒരു പ്രായപൂര്ത്തിയാകാത്ത പ്രതിയെയുമാണ് പിടികൂടിയതെന്ന് പോലീസ് പറഞ്ഞു.
ചൊവ്വാഴ്ച രാത്രി സുഹൃത്തിനൊപ്പം പാര്ക്കില് ഇരിക്കുമ്പോഴായിരുന്നു ഒരു സംഘം ചെറുപ്പക്കാര് പെണ്ക്കുട്ടിയെ ആക്രമിച്ച് പീഡിപ്പിച്ചതെന്ന് പോലീസ് വ്യക്തമാക്കി. പ്രായപൂര്ത്തിയാകാത്ത പെണ്കുട്ടിയെ ലൈംഗികമായി പീഡിപ്പിക്കുന്നതുമായി ബന്ധപ്പെട്ട് ചൊവ്വാഴ്ച ഒരു കോള് ലഭിച്ചു. പരാതി ലഭിച്ചയുടന് തന്നെ പോലീസ് മൂന്ന് പ്രതികളെയും അറസ്റ്റ് ചെയ്തു.
സംവത്തില് ഒരാള് ഒളിവിലാണ്, ഇയാളെ പിടികൂടാന് തെരച്ചില് ഊര്ജിതമാണെന്ന് ഉദ്യോഗസ്ഥര് പറഞ്ഞു. ഇന്ത്യന് ശിക്ഷാനിയമം 376 ഡി/323/34 വകുപ്പുകള് പ്രകാരവും കുട്ടികളെ ലൈംഗികാതിക്രമങ്ങളില് നിന്ന് സംരക്ഷിക്കുന്നതിനുള്ള (പോക്സോ) നിയമപ്രകാരവും പ്രതികളെ അറസ്റ്റ് ചെയ്തതായി പോലീസ് അറിയിച്ചു. വിഷയത്തില് കൂടുതല് അന്വേഷണം നടന്നുവരികയാണ്.
