ന്യൂയോര്‍ക്ക് : സാമൂഹ്യമാധ്യമങ്ങളില്‍ നായകളുടെ വികൃതികള്‍ കണ്ട് ആസ്വദിക്കുന്ന ആള്‍ക്കാരുണ്ട്. അത്തരക്കാരെ ഏറെ ആകര്‍ഷിക്കുന്നതാണ് വിന്‍സറ്റണ്‍ എന്ന നായയുടെ ഇനസ്റ്റാഗ്രാം പേജ്.
ഇതില്‍ ഏറ്റവും പുതിയതായി വന്ന വീഡിയോ വൈറലായിരിക്കുകയാണ്. വിമാനത്തില്‍ സഞ്ചരിക്കവെ മറ്റൊരാള്‍ക്കുളള സീറ്റില്‍ മലര്‍ന്ന് കിടന്നുറങ്ങുന്ന ദൃശ്യങ്ങളാണ് ആരാധകര്‍ ഏറ്റെടുത്തത്. അടുത്ത് ഒരു പാവയും ഉണ്ട്.
1.7 ദശലക്ഷത്തിലധികം പേരാണ് ഈ വീഡിയോ കണ്ടത്. ഷെയറുകളും കമന്റുകളും എണ്ണിയാല്‍ തീരില്ല.
അത് അവന്റെ സീറ്റാണെന്ന് തോന്നുന്നല്ലോ എന്ന് കമന്റ് ചെയ്തവരും ഉണ്ട്. അത് എന്റെ സീറ്റായിരുന്നെങ്കില്‍ ഞാന്‍ സന്തോഷത്തോടെ വിമാനം നിലത്തിറങ്ങും വരെ കുളിമുറിയില്‍ ഇരിക്കും. അപ്പോള്‍ വിന്‍സ്റ്റണിന് എന്റെ സീറ്റ് ലഭിക്കുമല്ലോ എന്നാണ് മറ്റൊരു നായപ്രേമിയുടെ കമന്റ്.
എന്നാല്‍ ഒരു ചോദ്യം, ഫ്‌ലൈറ്റുകളില്‍ ബിസിനസ് ക്ലാസില്‍ നായ്‌ക്കളെ കൊണ്ടുപോകാന്‍ അനുവാദമുണ്ടോ എന്നാണ് .ചില എയര്‍ലൈനുകള്‍ വളര്‍ത്തുമൃഗങ്ങളെ ബിസിനസ് ക്ലാസില്‍ അനുവദിക്കാറുണ്ട്. പക്ഷേ അവയ്‌ക്ക് ഒരു കാരിയറിനുള്ളില്‍ തന്നെ കഴിയേണ്ടി വരും. എന്നാല്‍ വിന്സ്റ്റന് ഇളവുണ്ടെന്ന് വിന്‍സ്റ്റന്റെ ഇന്‍സ്റ്റാഗ്രാം പേജ് കാര്യങ്ങള്‍ നോക്കി നടത്തുന്ന ഉടമ കുറിച്ചു.
പ്രതികരിക്കാൻ ഇവിടെ എഴുതുക: