തിരുവനന്തപുരം : ബൈക്കിലെത്തിയ യുവാക്കള്‍ കെഎസ്ആര്‍ടിസി ബസിന്റെ ചില്ലെറിഞ്ഞ് തകര്‍ത്തു. തിരുവനന്തപുരം പ്രാവച്ചമ്പലത്ത് കെഎസ്ആര്‍ടിസി ബസിനുനേരെ അക്രമം. ബൈക്കില്‍ എത്തിയ യുവാക്കളാണ് അക്രമം കാട്ടിയത്. പ്രാവച്ചമ്പലം മുതല്‍ വെള്ളായണി വരെ ബസിനെ പിന്തുടരുകയും ബസിന്റെ ചില്ല് എറിഞ്ഞുടക്കുകയുമായിരുന്നു.
ഇതിനെ ചോദ്യംചെയ്ത ബസ് ഡ്രൈവറുടെ ശരീരത്തിലേക്ക് ബൈക്ക് ഓടിച്ച് കയറ്റാനും ശ്രമം നടത്തി. യാതൊരു വിധത്തിലുമുള്ള പ്രകോപനമില്ലാതെയാണ് യുവാക്കള്‍ അക്രമം കാട്ടിയത്. മൂന്നുപേരും ലഹരി വസ്തുക്കള്‍ ഉപയോഗിച്ചിരുന്നതായും സൂചനയുണ്ട്.
നമ്പര്‍ പ്ലേറ്റ് ഇല്ലാത്ത ബൈക്കാണ് അക്രമികള്‍ ഉപയോഗിച്ചത്. അക്രമം നടത്തിയ യുവാക്കളെ ഇതുവരെ കണ്ടെത്തിയിട്ടില്ല. ഇവര്‍ക്കായി തെരച്ചില്‍ നടത്തി വരികയാണ്.
പ്രതികരിക്കാൻ ഇവിടെ എഴുതുക: