തിരുവനന്തപുരം: വ്യാജസര്ട്ടിഫിക്കറ്റുണ്ടാക്കി കോളെജ് അധ്യാപിക ജോലി തട്ടിയെടുത്ത കെ. വിദ്യ എന്ന മുന് എസ് എഫ് ഐ നേതാവ് 15 ദിവസമായി ഒളിവിലാണ്. കൃത്യമായി വിദ്യയുടെ ഒളിയിടം കണ്ടെത്താന് കഴിയുന്ന പദപ്രശ്നം സമൂഹമാധ്യമങ്ങളില് ഇപ്പോള് ട്രെന്ഡാണ്.
പദപ്രശ്നത്തിന്റെ ഒരു ഭാഗത്ത് ഡിജിപിയും മറുഭാഗത്ത് വിദ്യ ഒളിച്ചിരിക്കുന്ന ഇടം എകെജി സെന്റര് എന്നും കാണിച്ചിരിക്കുന്നു. ഇടതുപക്ഷ കേന്ദ്രങ്ങള് വിദ്യയെ ഒളിപ്പിച്ചിരിക്കുന്നു എന്നാണ് ഈ പദപ്രശ്നം പരിഹാസ രൂപേണ പറയുന്നത്.
വിദ്യ ഒളിവിലാണെന്നും വിദ്യയെ കണ്ടുപിടിക്കാന് കഴിയുന്നില്ലെന്നും പൊലീസ് പറയുമ്പോഴും വിദ്യയുടെ മുന്കൂര് ജാമ്യാപേക്ഷ കോടതിയില് കൃത്യമായി എത്തുന്നുണ്ട്. വിദ്യ അഭിഭാഷകരുമായി ബന്ധപ്പെടുന്നതായും ചില അഭ്യൂഹങ്ങള് ഉണ്ട്.
മാധ്യമങ്ങളില് വിദ്യയെ തള്ളിപ്പറയുന്ന ഇടത് നേതാക്കള് തന്നെ വിദ്യയെ രഹസ്യമായി സഹായിക്കുന്നുവെന്നും ആരോപണങ്ങള് ഉയരുന്നു. കേരള പൊലീസിന്റെ അന്വേഷണശൃംഖലയെ മറികടക്കാനുള്ള പിന്ബലം സ്വന്തമായില്ലാത്ത വിദ്യയെപ്പോലെ ഒരു പെണ്കുട്ടിയെ സംരക്ഷിക്കാന് ശക്തമായ പാര്ട്ടിസംവിധാനം പ്രവര്ത്തിക്കുന്നുണ്ടായിരിക്കാമെന്ന് ചിലര് ചൂണ്ടിക്കാണിക്കുന്നു.
