ദൽഹിയിൽ വെടിവയ്പ്; രണ്ടു സ്ത്രീകൾ കൊല്ലപ്പെട്ടു, സാമ്പത്തിക ഇടപാടുമായി ബന്ധപ്പെട്ട തർക്കം വെടിവെപ്പിൽ കലാശിച്ചു

ന്യൂദൽഹി: ദൽഹിയിലെ ആർകെ പുരത്തുണ്ട‍ായ വെടിവെയ്പിൽ രണ്ടു സ്ത്രീകൾ കൊല്ലപ്പെട്ടു. പിങ്കി (30), ജ്യോതി (29) എന്നിവരാണ് കൊല്ലപ്പെട്ടത്. വെടിയറ്റതിനു പിന്നാലെ ഇരുവരെയും എയിംസ് ട്രോമ സെന്‍ററിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. വെടിവെപ്പിന്റെ ദൃശങ്ങൾ പുറത്തു വന്നു.

ഇന്നു പുലർച്ചെ ആർകെ പുരം അംബേദ്കർ ഭസ്തിയിലാണ് സംഭവം. കൊല്ലപ്പെട്ട സ്ത്രീകളുടെ സഹോദരനുമായുള്ള സാമ്പത്തിക ഇടപാടുമായി ബന്ധപ്പെട്ട തർക്കമാണ് വെടിവെപ്പിൽ കലാശിച്ചത്. കേസ് രജിസ്റ്റർ ചെയ്തെന്നും അക്രമികൾക്കായി തിരച്ചിൽ‌ തുടങ്ങിയെന്നും പോലീസ് അറിയിച്ചു.

സഹോദരനെ തേടിയെത്തിയ സംഘത്തിന് നേരെ വെടിയുതിർക്കുകയായിരുന്നു.