ഏതന്‍സ് : ഗ്രീസില്‍ മത്സ്യബന്ധന ബോട്ട് മറിഞ്ഞ് 78 പേര്‍ മരിക്കുകയും നിരവധി പേരെ കാണാതാവുകയും ചെയ്തു. കുടിയേറ്റക്കാരുമായി ഇറ്റലിയിലേക്ക് പോവുകയായിരുന്നു ബോട്ട്.
ലിബിയയിലെ ടോബ്രുക്ക് മേഖലയില്‍ നിന്നാണ് കപ്പല്‍ പുറപ്പെട്ടതെന്ന് കരുതപ്പെടുന്നു. വിപുലമായ തെരച്ചില്‍ പുരോഗമിക്കുന്നു.
രാത്രിയില്‍ നടന്ന സംഭവത്തെ തുടര്‍ന്ന് ഇതുവരെ 104 പേരെ രക്ഷപ്പെടുത്തി.തണുത്തു വിറയ്‌ക്കുന്ന നിലയില്‍ നാല് പേരെ ആശുപത്രിയില്‍ പ്രവേശിപ്പിച്ചു.
ഇതുവരെ കാണാതായവരുടെ എണ്ണത്തില്‍ അനിശ്ചിതത്വം തുടരുകയാണെന്ന് തീരസംരക്ഷണ സേന അറിയിച്ചു. തീര സംരക്ഷണ കപ്പലുകള്‍, നാവിക സേനയുടെ കപ്പല്‍, ഒരു സൈനിക വിമാനം, വ്യോമസേന ഹെലികോപ്റ്റര്‍, കൂടാതെ നിരവധി സ്വകാര്യ കപ്പലുകള്‍ എന്നിവ തെരച്ചില്‍, രക്ഷാപ്രവര്‍ത്തനങ്ങള്‍ക്കായി ഗ്രീസ് വിന്യസിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: