കാലടി: ശ്രീശങ്കരാചാര്യ സംസ്കൃത സര്വകലാശാലയിലെ പ്രവേശന കവാടത്തിലുളള ശങ്കരാചാര്യസ്വാമികളുടെ പ്രതിമ മറച്ചുകൊണ്ട് എസ്എഫ്ഐ നേതൃത്വം നല്കുന്ന സര്വകലാശാല യൂണിയന് ബോര്ഡ് സ്ഥാപിച്ചു. മുന്പും ഇതുപോലെ പ്രതിമ മറച്ചുകൊണ്ടുളള നടപടി യൂണിയന്റെ ഭാഗത്തുനിന്ന് ഉണ്ടായതില് വന്പ്രതിഷേധം ഉയരുകയും ഇവര് ബോര്ഡ് മാറ്റാന് തയാറാവുകയും ചെയ്തിരുന്നു. സര്വകലാശാല കലോത്സവത്തിന്റെ ബോര്ഡാണ് ഇത്തവണ സ്ഥാപിച്ചിരിക്കുന്നത്.
ഇത് ശങ്കരാചാര്യസ്വാമികളെ അവഹേളിക്കുന്നതിന് തുല്യമാണെന്നും ഇതിനു കൂട്ടുനിന്ന സര്വകലാശാല അധികാരികളുടെ തെറ്റായ സമീപനത്തിനെതിരെ ശക്തമായ പ്രതിഷേധം രേഖപ്പെടുത്തുന്നതായും ബിജെപി മണ്ഡലം കമ്മിറ്റി പ്രസ്താവിച്ചു. ഇത് എത്രയും വേഗം മാറ്റിയില്ലെങ്കില് ശക്തമായ സമരപരിപാടികളുമായി മുന്നോട്ട് വരുമെന്ന് ബിജെപി മണ്ഡലം പ്രസിഡന്റ് ഷീജ സതീഷ്, ജനറല് സെക്രട്ടറിമാരായ സലീഷ് ചെമ്മണ്ടൂര്, കെ.ടി ഷാജി എന്നിവര് അറിയിച്ചു. കാലടി പോലീസില് പരാതി നല്കിയിട്ടുണ്ട്.
