ചേര്ത്തല: കേരളാ ബാങ്കിന്റെ ശാഖകളില് നിന്നും പണയസ്വര്ണ്ണം മോഷണം പോയ സംഭവത്തില് പോലീസ് കേസെടുത്തു. ചേര്ത്തല, പട്ടണക്കാട്, അര്ത്തുങ്കല് പോലീസ് സ്റ്റേഷനുകളിലാണ് കേസെടുത്ത് അന്വേഷണം തുടങ്ങിയത്. കേരളാബാങ്കിന്റെ ചേര്ത്തല ഏരിയാ മാനേജര് മീരാമാത്യവിനെ പ്രതിയാക്കിയാണ് പോലീസ് കേസെടുത്തിരിക്കുന്നത്.
ചേര്ത്തലയിലെ നടക്കാവ് ശാഖ, പ്രധാന ശാഖ, പട്ടണക്കാട്എന്നിവിടങ്ങളില് നിന്നാണ് സ്വര്ണം മോഷണം പോയത്. ഇതേ തുടര്ന്ന് ബാങ്ക് ഉദ്യോഗസ്ഥ സ്വര്ണപണയം പരിശോധന നടത്തിയ പരിധിയിലെ മറ്റുശാഖകളിലും നടത്തിയ പരിശോധനയിലാണ് അര്ത്തുങ്കല് ശാഖയില് നിന്നു ആറുഗ്രാം സ്വര്ണം നഷ്ടപെട്ടതായി കണ്ടെത്തിയത്. നടക്കാവ് ശാഖയില് നിന്നും സ്വര്ണം മോഷണം പോയതോടെ ബാങ്ക്തലത്തില് നടത്തിയ അന്വേഷണത്തിലാണ് ഏരിയാമാനേജര് മീരാമാത്യുവിലേക്ക് അന്വേഷണം എത്തിയത്. ചോദ്യം ചെയ്യലില് ഇവര് കുറ്റസമ്മതം നടത്തിയതായാണ് വിവരം.
സ്വര്ണ്ണപണയ ഉരുപടികള് പരിശോധിക്കുന്നതിനിടയില് മോഷണം നടന്നതായാണ് പരാതി. സസ്പെന്ഷനിലായിരുന്ന ഉദ്യോഗസ്ഥയാണ് പരിശോധന നടത്തിയതെന്നും പരാതികളില് പറഞ്ഞിട്ടുണ്ട്. മോഷണത്തിനും കുറ്റകരമായ വിശ്വാസ വഞ്ചനക്കുമാണ് പോലീസ് കേസെടുത്തിരിക്കുന്നത്. നാലുകേസുകളെടുത്ത് അന്വേഷണം തുടങ്ങിയതായി ചേര്ത്തല ഡിവൈഎസ്പി കെ.വി. ബെന്നി പറഞ്ഞു.
